Nambas 13

6

13

14

20

21

22

23

24

25

27

33

35

¹Bada, Mousis i giuwena gado,

²“Dam 12 Islael nopodimo babada ḡemoḡemotaḡa kwa vinedi bi kwa giukamaḡedi te Keinan dobuna sa tigane. Niga taunana doḡana temi Islael kaka yà vitemi.”

³Taunana aubaina Palan kalakalalelenemo ḡalavumo Bada bai i giugiuwena mainana Mousis dam 12 nopodimo babada ḡemoḡemotaḡa i vinedi bi i giukamaḡedi.

¹⁷Laḡannemo Mousis i giukamaḡedi te Keinan dobuna tiganena aubaina ba niga mainana i giuwedi, “Ko nawa Negevmo aibadabada yawaninemo oya keikeilikidimo

¹⁸bi ḡome dobuna ko tigane te ko kita te lava wapawapa ee visa ota sa miyamiya. Tedi ḡaiḡailisidi ee gwaḡegwaḡedi?

¹⁹Bi edi doḡa ko kita te visuvisuna ee gebogebona. Bi kota edi taun ko kita, a ganakuku ee geḡa?

²⁰Bi doḡa ko kita, maumaulina ee gomegomelina? Kai ḡome sa moimoito ee geḡa? Bamoda sa moimoito ba votedi vaitedi ko legau natomedi te ka kitedi.” (Mba guleipi ena vota laḡanina.)

²¹Kamaina bi Din kalakalalelenemo aibadabada yawaninaḡa a saḡa a nawa bi dobu a tiganena eete beubeu yawaninemo Leḡobmo a tava, Lebo-Amat diyanemo.

²⁵Laḡan 40 mulidimo Keinan dobuna a tigane kovi bi a tava munaḡa,

²⁶Kades Palan kalakalalelemo, Mousis, Elon bi Islael lavedi lisidimo. Tedi bai matabuna a kitakitana lava a giuvitedi. Bi kai votedi mba dobunemo a legalegaudina ai lovedi.

²⁷Kamaina bi tautigana tedi a giuwedina gado, “Temi kona giukamaḡemai te dobuna ke tigane bi ke kita te dobu maumaulina bi doḡa visuvisuna. Kai votedi niga ko kitedi.

²⁸Geḡa te lava ḡome miyemiyedi ba lava ḡaiḡailisidi bi edi taun ba nananakidi bi a ganakuku kauwedi. Bi kota Anak ena tubulelesa ke kitedi, lava kaikaidakidi.

²⁹Bi Amelek lavedi ba Negev dobunemo sa miyamiya. Bi Ḡiti, Debus bi Amoli lavedi ba oya dabediḡa sa miyamiya nawa. Bi Keinan lavedi ba gelemo bi Diyoudan gaubina diyana a miya wata.”

³⁰Laḡannemo lava Mousis a moito kwavivili bi tautigana kalinedi a vaivaiye ba a naila bi ai talapili. Kamaina bi Keleb i giuwedi te a miya moimoisili bi i giuwedina gado, “Tada ḡemoḡemotida mba lavedi ta lauyovoḡedi bi doḡana ta vai.”

³¹Bi kota olooloto mabai Keleb vaitena a nawanawana ena giu a lauyovoḡe bi a giuna gado, “Geḡa, mba dobuna lavedi a ḡailisi kauwa mote mai tada. Tada mote ḡemoḡemotida ta nawa bi vaitedi tai ḡasiḡasi.”

³²Tautigana taudiḡa mba dobuna ena giu kaikaiyovuna ai tubu bi Islael matabudi a giu nawedi. Bi kota a giuna gado, “Tama ke nawa bi bai ke kitana ba lava aiyai ḡome ya tavana ba tana pekipekina. Banina lava ḡome ke kitedina ba ḡaiḡailisidi bi kaikaidakidi.

³³Lava nananaka bi waikakaubiledi. Tedi taudidi Nefili lavedi, Anak ena tubulelesa. Tedi ke kitedi bi tama ke kitamaina maibena kapau.”