Namba 13

6

13

14

20

21

22

23

24

25

27

33

35

¹Guyau ya libalau Mose lisina iyen,

²Sulu safuhudohudoꞌi luwaga ganahewadi yai, sulu esega ena tau lau kulukulu u fasinabo be u fatamalidi ti lau Kanana tanohina, logenana haba E felemiu, ti tafo dadai.

³Mose mate Yaubada ena liba ya lau watan, be suludi hesa - hesa Isalaela ganahewana yai tau lau kulukulu 12 ya fasinabodi. Yo fede, Palan nuꞌuna pitapitalina yai sa aulaha sa lau Kanana.

¹⁷Fuyanna Mose ya fatamalidi sa lau Kanana sa tafo dadai, ya falibadi iyen, Au lidi Negebi Nuʼuna be au lau nuꞌu uduꞌuduhulidi yai.

¹⁸Tanohina au ita, somo - somohena yo dodogadi amaniya sa miyamiya, sa fuluga, e sa belu, sa ouli e higeꞌe.

¹⁹Edi aba miya tanohina somo - somohena? Ya loholoho e ya heyaya? Taon fafaganadi e fafagana gesagesadi yai sa miyamiya?

²⁰Tanohina somo - somohena? Ya mahula e higeꞌe? Oyagi amainiya e higeꞌe? Au anpate adidili be tanohi ni, fuwafuwana haisa au ledima. Wain uludi adi fuya nanau bwaꞌibwaꞌi, fuyana.

²¹Yo fede, Diyin Nuꞌu Pitapitalina yai sa fatubu be Kanana tanohina sa tafo dadai ee–, sa lau Lehobo, Lebo Hamata sadaina yai, Kanana Nuꞌuna duduna tefa saisaina.

²⁵Sa tafo dada lahai 40 mulina yai sa fuyo

²⁶Kadesi nuꞌuna, Palan nuꞌuna pitapitalina be edi tafo dada yai somo sa itadi mate, Mose, Elon yo Isalaela mahudoꞌidi edi sa liba, yo fuwafuwadi sa abidi hinaga sa faꞌitadi.

²⁷Mose edi fafalibana doha ite: Wa duimai be ꞌe lau tanohina ꞌe kepai mate ya mahula wananaha! Ma! Fuwafuwadi itete.

²⁸In moho dodoga amainiya sa miyamiya mate, sa adidili wananaha, edi taon sa laꞌi wananaha yo ganana ya lofa wananaha. Anaki dodogadi laulauwewedi hinaga amainiya ꞌe itadi. Kwaludi sa lofa yo tau gigi!

²⁹Amaleki dodogadi Negebi yai sa miya; Hiti, Debusi yo Amoli dodogadi nuꞌu uduꞌuduhulina yai sa miya na Kanana dodogadi gabogabo sadaina yo Diyodan hoꞌowana sa miya watan. Sa laꞌi wananaha.

³⁰In moho Kelebi edi liba ya anlau tomotomoꞌi Mose matana yai be sa doꞌo. Iyen, Tanohi ni, gonowada te lau te abi, aiꞌeda.

³¹In moho, tatau maꞌena sa lidi tiyen, Hige gonowada ta fatupadi. Sa fuluga wananaha!

³²Muli yai tau tafo dadaina wasa bwalabwala sa fataꞌiꞌili Isalaela dodogadi ganahewadi yai. Tiyen, Tanohina hige i mahula be haba dodoga mahudoꞌidi amainiya ibege adi kalahe. Dodogadi sa laꞌi wananaha.

³³Anaki wahawahadi ꞌe itadi mate sa laꞌi wananaha. Ai nenemai doha kupati, na iti sa itamai doha kupati hinaga.