Nambas 13

6

13

14

20

21

22

23

24

25

27

33

35

¹Bada i sisiya, Moses kurina,

²“Israel biyisi asi dam 12 kamosi yai bibadana kesakesasike ke bineisi, ba ki poraisi Canaan tanona Yauku Israel biyisi a berebereisi wai sina nanagi.”

³Kata Bada i kaotunei wai Moses nanakasike i wosei. Israel asi dam babadisi asi 12 Paran kupura momnai i poraisi si kasibau.

¹⁷Maranai Moses i poraisi Canaan sita kita nanagi wai i wona, “Negev kamonai wata ko nae ku sepina ku koya yogiyogisi.

¹⁸Kupurina ko kita nanagi, pipiya biyamo namai te mamana, ba kosi maragasisi kona mesumesusi.

¹⁹Tanona ko nanaga kabitamni kata gairena kona goyona. Kwanatusi ko nanaga kata kamagisi kona si gara bibira.

²⁰Tanona marimariyina kona gomagomarina. Namai keyama kona kega. Ko wosei rubai kata tano uwana mutusi kona yauna kona veramaga.” (Kona maranai grape menai si dagui.)

²¹Damanina ba si nae ba tano si nanagi, Zin kupura momnai ba si nae ku Rehob, Lebo-Hamat kupurina parinai.

²⁵Pipiya kupura si nanagi wai kao 40 murinai si veramaga.

²⁶Si veramaga Moses, ba Aaron ba Israel biyisi ereonowasi kurisi Kadesh yai, Paran kupura momna kamonai. Namai ereonowasi kurisi si mamatara ba yebo kupurina uwana si beyisi.

²⁷Moses kurina si wona, “Kupurina ka nanagi ba ka panani kata kona marimariyina ba tano gairena, ba nina uwana mutusi.

²⁸Saba pipiyisi nai te mamana wai si maragata saki, ba asi meyaga kaikaposi ba asi gari padapadasi. Yebo Anak ana dam namai ka kinanisi. Pipiya kaidagimisi.

²⁹Amalek biyisi Negev kupurinai te mamana, ba Hitti, Jebusi ba Amori biyisi koyai te mamana, ba Canaan enaga parinai ba Jordan okowina parinai te mamana.”

³⁰Ba pipiya Moses si msi bibiri wai Caleb i wonisi sita ma guguba ba i wona, “Kota wai rubarubana nokosi pipiya tana getawanisi ba asi tano tana yauni.”

³¹Saba pipiya yabata si gae wai si kaosaira, “Kega, nokosi pipiya si maragata saki, kega rubana kosi yabata tani abiya.”

³²Kata Israel kamosi yai si kaobimaragwasa, si wona, “Tano ka nanagi wai kega marimariyina ba pipiya nai te mamana wai ini kampariparisi. Pipiya ereonowasi ka kinanisi wai pipiya kaidagimisi.

³³Nephilim yebo namai ka kitai, kona Anak ana dam. Ba kurisi wai bage kota sapom rutainisi, ba kinanita kosi kurisi wai kesanina.”