MAREKO 9:10-49

¹⁰Idia ese ina hereva e lalo-hadailaiava; bena e henanadai heheni, ina mase tore-isi lou herevana be dahaka?

¹¹Bena idia ese e nanadaia, eto, Badina be dahaka itorena taudia e tomamu Elia na do bainema guna?

¹²Ia na e haere, eto, Momokani, Elia na vada ema guna, ḡau iboudiai ihamatamatadia: a Taunimanima Natuna herevana na ede e torea toma, hisihisi diaḡau baine ani, bona bae dadaraia?

¹³A na hamaoromuimu, Elia na vada ema, bona edia ura karadia ienai vada e kara vaitani, e tore guna herevadia heḡereḡeredia.

¹⁴Ena hahediba ediai e kau ai, e itadia, hutuma ese e ginidia heḡeḡe, bona itorena taudia idia ida e hepapahuahu.

¹⁵Bena aru taudia ese ia e itaia, e hoa, bena dckena e heau kau, e hanamoa.

¹⁶Iesu ese e nanadaidia, eto, Idia ida dahaka o herevalaiamu?

¹⁷Bena hutuma bogaragidia amo tau ta e haere, eto, Hahediba taumu e, lau natugu na oi dekemu na mailaia, badina be mu laumana ese e boloamu:

¹⁸e butua taomu gabuna ai e hekwadiraimu, uduna e gwara-gwaramu, gadigadina e halledaimu; bona tauna e varodamu. Lau ese emu hahediba na noidia, lauma na bae lulua lasi, to idia na asi dibadia.

¹⁹Bena Iesu ese e gwau henidia, eto, Asi emui heabidadama uruna, lau na dekemui ai baina noho ela bona edena nega ai? Baina haheauka henimui ela bona edena nega ai? A mailaia.

²⁰Ia dekena e laohaia; bena lauma ese Iesu e itaia, bena mero e hatororo-tororoa, tano ai e hekwadirai, e heḡuduḡudu, uduna e gwara-gwara.

²¹Iesu ese tamana e nanadaia, eto, Edena nega ai e matamaia? Ia eto, Maraḡina negana ai;

²²bona nega momo lahi ai e tahoa kauva, ranu ai e tahoa dobiva, aine hamasea e tomava. Bema iḡaukaralaina mai dibamu, mani boma bogamai hisi, boma kahamai.

²³Iesu eto, Bema iḡaukaralaina mai dibagu o tomu. Abidadama tauna na ḡau iboudiai ikaradia dibana.

²⁴Bena mero tamana e lolo, eto, Lau be vada na abidadama; egu abidadama maraḡi-maraḡi ame kahaia.

²⁵Iesu ese aru taudia e itadia, idia na be heau hegogomu, bena ia ese una lauma dikana e gwau henia, eto, Mu bona taia-kudima laumana, na haḡanimumu, iena amo a raka lasi, bona ia lalonai basio vareai lou.

²⁶Bena mero na e lolo, e helapuroro, bena vada e lasi. A mero na mase tauna na heto, taunabunai hutuma banava vada e mase vaitani eto.

²⁷A Iesu ese ia imana e abia, e veria tore, bena vada e gini.

²⁸Ruma ai e raka vareai negana ai na ena hahediba cse e nanadaia, eto, Badina be dahaka ai ese ilulu-ohona asi dibamai?

²⁹Ia eto, Inihetomanana ilulu-ohona dalana ta lasi, ḡuriḡuri mo sibona.

³⁰Una gabu e toretania, Galilea tanona amo e raka hanai. Ena ura be ta basine diba;

³¹Badina be ena hahediba e hadibadiava, eto, Taunimanima Natuna na taunimanima ediai taona bae torea, bae alaia mase, a dina toi baela ia na baine tore isi lou.

³²A idia na lalodia asie parara, bona inanadaina danu e gari.

³³Bena Kaperanaum ai e kau. Ruma lalonai ia ese e nanadaidia, eto, Umui hari dala ai be dahaka o hepapahuahulaia?

³⁴Idia na asie haere, badina be dala ai sibodia vada e hepapahuahu, daika na herea.

³⁵Bena ia na e helai diho, gwauta-raruosi e boiridia, e hereva henidia, eto, Baineguna e tomamu tauna na gabe tauna ai bainela, iboudiai isiaidia baine lao heni.

³⁶Bena ia ese mero-mero ta e abia, bogaragidiai e haginia, e rosia, eto,

³⁷Lau ladagu ai mero-mero inihetomana ta e abia daemu tauna ese lau danu e abigu daemu, bona lau e abigu daemu tauna ese dia lau mo to lau e siaigu Diravana danu e abia daemu.

³⁸Ioane ese e hamaoroa, eto, Hahediba taumu e, ai na tau ta a itaia, oi ladamu ai lauma dikadia e luludia; bena a gwaua tao, badina be ia na dia ita bamoda.

³⁹Iesu eto, Basioma gwaua tao; lau ladagu ai kara siahuna e karaiamu tauna na lau ihadikagu asi dibana.

⁴⁰Se laoda ahumu tauna ese e kahadamu.

⁴¹Na hamaoromui momokanimu, ta ese ranu kuri ta baine henimui, umui na Keriso ena dainai, ia na davana ai basine dabu.

⁴²A ini e abiabiraigumu memero-memerodia ta baine hahekwakwanaia taunana huro badana ta aiona ai bema mataia, davara ai bema negea dobi, bema namo.

⁴³Imamu ese baine hahekwakwanaimu, ba utua oho: namo mai imamu dokona mauri ai ba vareai, dika mai imamu rua Gehena, lahi se bodomu gabuna, baola.

⁴⁴Unuseni ai edia uloulo basine mase, bona lahi na basine bodo.

⁴⁵Aemu ese baine hahekwakwanaimu, ba utua oho: namo mai aemu dokona mauri ai ba vareai, dika mai aemu rua Gehena ai bae tahomu dobi.

⁴⁶Unuseni ai edia uloulo basine mase, bona lahi na basine bodo.

⁴⁷Matamu ese baine hahekwakwanaimu, ba giboa lasi: namo Dirava ena basileia lalonai ba raka vareai mai matamu tamona, dika mai matamu rua Gehena ai bae tahomu dobi.

⁴⁸Unuseni ai edia uloulo basine mase, bona lahi na basine bodo.

⁴⁹Taunimanima iboudiai na lahi amo bae haḡoevadia.