Luke 2:20-46

²⁰I gu u krju ntma kma hi na ni ngyiri na ni gbre shi san ni kpie wa ba wo na ka toh na wa ba hla ni bawu'a.

²¹Ni klekle ivi u tandra ba gen mbru niwu, na zi nde ma ni Yesu, inde wa Maleka zi niwu wa ri he ni mi nne yima'a ri ba ka ngrji'u.

²²Uvi tsrakake mba a ke ni doka Musa, Isuwu mba Maryamu ba nji'u hi ni koh Irji ni Urushelima ndu ba nji'u hi ni shishi Bachi.

²³Ni wa ba nha nha ni doka Irji ye'a, Ivren lon wa ba ngrji'a ba nji'u hi no Irji.

²⁴U ba no hadaya u Ingyu hari ko Tatabara hari, ni ya nda doka Irji a hla.

²⁵Ni Wurishelima, igu ri a he niki ba yo'wu Simion, wa nda a he khriki nani tie ndindi me. Na ni yo shishi u lo suron ni ndji bi Isrela, u Ruhu Irji he ni wu.

²⁶U nda hla niwu ye nda a na qu na, ama se a ni toh Bachi Kristi.

²⁷Ruhu Irji a nji'u Simion hi ni tra u bre Bachi, wa ba tie vuvren nhan nhan'n mba Yesu, ni ndu ba tie kpe wa doka tre Irji hla.

²⁸U Simion a krju nba rji na ngyiri ni Irji na tre.

²⁹I wu wa uhe ni ko ge u ka ndu gran mehi piyan me ni kpe wa wu tre.

³⁰Ni kpa chu wa me klan mi toh njanji tre,

³¹ni wa u mlan tie ni ngbugbu lu ba wawu.

³²I nkpa wa ani tro ba inko mea ni kuma no ni nko Isrela.

³³Ba iyima mba ittima ba tie sissri (mamaki) ikpe wa ba wo ba tre nitu ma.

³⁴U Simion a tie lulu yo ni bawu nda hla ni Maryamu iyima ndi, “U to, Vivren yi, wawu yi ni dun bari dun ba joku, bari gbugbu ba lunde ni mi Isrela, wa ani tsro gban u wa indji ba kamba -

³⁵Ni dun iwen ndu kpireu dri na no mre ndu wa ani nharan mi suron ndji wawu.

³⁶U Anabi rhi, ahi iwa, ba yo'u ni Hanatu. Ahi vren Fanuwel rji nimi L'be u Asha. Wa a che kpokpome. A sohn ni lon ma ise tangban niwa a gran ni vren wa,

³⁷u lon ma a qu wa ka son ni kbo ise wulon inkyu tandra ni nza (84). Ani hi ni nko bre Irji chachu chachu ni chu mba ni mble ani bre Irji ni vu hlan ma.

³⁸Ni ki me, a ngyiri ni Irji, na tetra vren ni ndi ba wa wu bi wa ba si gben kpachuwo (fansar) Wurishelima.

³⁹Ni wa ndji ba kle ko nge wawu na wa ndi bla tre Irji hla'a, u ba ka kma hi ni Galili ni gbumba Nazaret.

⁴⁰Ivren sen ni tie ninkon u mre ma ndindi ni babran kpukpome, ndindi (Alheri) u Irji he ni wu.

⁴¹Ba tie ma ba hi Wurishelima ko wa ni ise ni ngan (Idin Ketarewa).

⁴²Wa-a tie si wulon don ha, u ba rji hi ya da ba hi ni Idin.

⁴³Ka ba kle tie ro'a na kma si hi, u vren'a Yesu, wa zu kukri ni kogon ri ni mi Wurishelima a na ni toh ba iyima na.

⁴⁴Ba zren ya ndi a he nimi ba ndji wa ba si hi baba'a, u ba zren u vi rhi (1). Nda lu ni wa'u nimi ba mlan mba ni kpukpan mba.

⁴⁵U wa ba na to'u na, ba kma hi si wa'u ni Wurishelima.

⁴⁶U ni vi u tra mba, ba to'u nimi koh Irji, a son ni tsutsu ba bi tsro, asi sren ton si wo ba nda si mye ba.