لُكِ 2:20-46

²⁰شُرُ سٍ دّ مَدٌنيِيٍ نَشَ فبِلٍن عَلَ مَتْشْ رَ، عٍ نُ عَ تَنتُ قٍ بِرِن مَ عٍ بَرَ نَشٍيٍ مّ، عٍ مَن بَرَ نَشٍيٍ تٌ. عٍ عَ بِرِن لِشِ نّ عَلْ عَ مَسٍن عٍ بّ كِ نَشّ.

²¹شِ سٌلٌمَسَشَن تٌ كَمَلِ، دِيْرّ نَشَ سُننَ. عَ شِلِ نَشَ سَ عِسَ، مَلٍكّ نُ بَرَ شِلِ نَشَن مَسٍن عَ نفَ بّ بٍينُن عَ شَ تّيفّ عَ مَ.

²²مَرَ سّنِيّنيِ وَشَتِ تٌ كَمَلِ عَننَبِ مُنسَ شَ سّرِيّ كِ مَ، يُسُقُ نُن مَرِيَمَ نَشَ عِسَ شَنِن دَرِ سَلَمُ، عَ شَ مَسٍن مَرِفِ بّ،

²³عَلْ عَ سّبّشِ كِ نَشّ مَرِفِ شَ سّرِيّ كُي، «وٌ دِ شّمّ سِنفٍ بِرِن قِمَ ﭑ تَن نَن مَ.»

²⁴عٍ مَن سِفَ نّ عٍ شَ سَ سّرّشّ بَ عَلْ عَ سّبّشِ مَرِفِ شَ سّرِيّ كُي كِ نَشّ، «فَنبّ قِرِن، شَ نَ مُ عَ رَ كٌلٌكٌندٍ لَنمَ قِرِن.»

²⁵شّمّ ندٍ نُ نَ دَرِ سَلَمُ، نَشَن شِلِ سِمٍيْن. دِينّلَ تِنشِنشِ نَن نُ عَ رَ، نَشَن نُ عِسِرَيِلَ رَكِسِمَ مَمّقٍ. عَلَ شَشِلِ سّنِيّنشِ نُ نَ عَ شُن مَ.

²⁶عَلَ شَشِلِ سّنِيّنشِ نُ بَرَ عَ مَسٍن عَ بّ، عَ عَ مُ قَشَمَ قٌ عَ مَرِفِ شَ مِشِ سُفَندِشِ تٌ.

²⁷عَلَ شَشِلِ سّنِيّنشِ نَشَ عَ نِيَ عَ شَ سِفَ هْرْ مْبَنشِ كُي. عِسَ بَرِ مَيٍ قَن تٌ سٌ نَا عٍ شَ دِ رَ، عَلَكٌ عٍ شَ عَلَ شَ سّرِيّ رَبَتُ عَ شَ قٍ رَ،

²⁸سِمٍيْن نَشَ عِسَ رَ سُشُ، عَ عَ سَ عَ كَنكٍ مَ. عَ نَشَ عَلَ مَتْشْ، عَ عَ مَسٍن،

²⁹«مَرِفِ، عِ بَرَ قَ عِ شَ لَايِدِ رَكَمَلِ ﭑ بّ تٌ، عِ شَ كٌنيِ شَ تَا مَسَرَ بْحّسَ كُي،

³⁰بَرِ مَ ﭑ يَ بَرَ عِ شَ كِسِ تٌ،

³¹عِ نَشَن شّيشِ عَدَ مَدِيٍ بِرِن يَ شْرِ.

³²نَءِيَلَنيِ نَن عَ رَ نَشَن عَلَ مَكّنّنمَ سِ فبّتّيٍ بّ، عَ قِندِ نْرّ رَ عِ شَ عِسِرَيِلَ حَمَ بّ.»

³³عِسَ بَبَ نُن عَ نفَ تٌ عَ مّ نَشَن مَسٍنشِ عَ شَ قٍ رَ، عٍ نَشَ كَابَ.

³⁴سِمٍيْن تٌ دُبَ عٍ بّ، عَ نَشَ عَ قَلَ عِسَ نفَ مَرِيَمَ بّ، «عَلَ بَرَ حَنِفٍ تٌنفٌ يِ دِ شَ قٍ رَ. عِسِرَيِلَكَيٍ شَ قٍ فبٍفبٍ مَفٌرٌ مَ نّ عَ سَابُي رَ، ندٍيٍ قَن شَ قٍ عِتٍمَ نّ. عَ قِندِ مَ تْنشُمَ نَن نَ، كْنْ مِشِ وُيَشِ قَمَ نّ عَ مَتَندِدٍ.

³⁵نَ كُي، مِشِ فبٍفبٍ بْحّ مَ قٍيٍ قَمَ مَكّنّندٍ. عِ تَن قَن، سُننُنيِ قَمَ عِ بْحّ تُنبَدٍ عَلْ سَنتِدّفّمَ.»

³⁶نَمِحْنمّ فِنّ قٌرِ قَن نُ نَ، نَشَن شِلِ عَننَ. عَ شَ سِمَيَ نُ بَرَ مَسِفَ كِ قَنيِ. قَنُوٍلِ شَ دِ نَن نُ عَ رَ كٍلِقٍ عَسٍرِ بْنسْي. عَ نُ بَرَ دْشْ شّمّ تَا عَ فِنّدِ مّدِ رَ، كْنْ حّ سٌلٌقٍرٍ دَنفِ شَنبِ، عَ شَ مْرِ نَشَ لَاشِرَ.

³⁷كَبِ نَ تّمُي، عَ نُ بَرَ لُ كَاحّ كُي هَن عَ شَ سِمَيَ نُ بَرَ حّ تٌنفٌ سٌلٌمَسَشَن نُن نَانِ لِ. عَ مُ نُ كٍلِمَ هْرْ مْبَنشِ كُي، عَ نُ عَلَ بَتُ نَا، كْي نُن يَنيِ، سُنيِ نُن سَلِ رَ.

³⁸نَ وَشَتِ كٍرٍنيِ، عَننَ نَشَ قَ نَرَلَن عِسَ نُن عَ شَ مِشِيٍ رَ. عَ نَشَ سٌ عَلَ مَتْشْقٍ، عَ نُ قَ يِ دِ شَ قٍ قَلَ بِرِن بّ، نَشٍيٍ نُ عٍ يَ تِشِ عَلَ رَ دَرِ سَلَمُ شُنسَرَقٍ رَ.

³⁹يُسُقُ نُن مَرِيَمَ تٌ فّ قٍ بِرِن نَكَمَلِدٍ عَلْ مَرِفِ شَ سّرِيّ عَ مَسٍنشِ كِ نَشّ، عٍ نَشَ فبِلٍن نَسَرّتِ، عٍ شْنيِ فَلِلٍ بْشِ مَ.

⁴⁰دِ نَشَ مْ، عَ نُ سّنبّ سْتْ، عَ شَ لْننِ شُن نُ سِفَ مَسَ رَ كِ قَنيِ. عَلَ شَ هِننّ نُ نَ عَ شُن مَ.

⁴¹حّ يٌ حّ، عِسَ بَرِ مَيٍ نُ سِفَمَ سَيَمَلٍكّ دَنفِ سَلِ رَبَدٍ دَرِ سَلَمُ.

⁴²عِسَ حّ قُ نُن قِرِن سْتْ حّ نَشَن نَ، عٍ بِرِن نَشَ تٍ سَلِ رَبَدٍ دَرِ سَلَمُ عَلْ عٍ دَرِشِ عَ رَ كِ نَشّ.

⁴³سَلِ لْشْييٍ بِرِن تٌ دَنفِ، عِسَ بَرِ مَيٍ نَشَ بِيَاسِ قْلْ فبِلٍنقٍ عٍ شْنيِ، كْنْ عٍ شَ دِ عِسَ نَشَ لُ دَرِ سَلَمُ، عٍ تَن مُ عَ كٌلٌن.

⁴⁴عٍ نُ بَرَ عَ مَحْشُن عَ عَ نَ عٍ بِيَاسِبٌورٍيٍ يَ مَ. عٍ تٌ فّ قّيحّن كٍرٍن حّرّ رَبَدٍ، عٍ نُ عَ قٍنقٍ عٍ بَرٍنيِيٍ نُن عٍ بٌورٍيٍ يَ مَ.

⁴⁵كْنْ عٍ تٌ مُ عَ تٌ، عٍ نَشَ فبِلٍن دَرِ سَلَمُ عَ قٍندٍ.

⁴⁶شِ سَشَن دَنفِ شَنبِ، عٍ نَشَ قَ عَ تٌ هْرْ مْبَنشِ كُي كَرَ مْشْيٍ يَ مَ، عَ عَ تُلِ مَتِقٍ عٍ رَ، عَ نُ مَشْرِنيِ تِقٍ عٍ مَ.