Luka 2:20-46

²⁰I a dime ikasuka ikamukulya nukumulumbelya Itunda kitu naeigule nukuona, anga nae itambuwe, kung'wanso.

²¹Naelipikile ulu hiku la munana ikatula matungo, akumutala kukedamu ung'wana, ikamitanga elina lakwe Yesu, elina naupewe nu malaika Inda naikilengila munda.

²²Naelipikile imahiku akuzepilingwa kitalao anga nai uzepeigwe malagelyo ang'wa musa, Yusuma na Mariamu akamutala mitekelo ku yerusalemu kumuika kuntongela ing'wi Tunda.

²³Anga naeiandekilye mumalago ang'wi Tunda, kila mugoha nulugue Inda ukitangwa naupumigwe wakfu wang'wi Tunda.

²⁴Ne anso aiazile kupumwa isongelyo anga naelitambuwe milago la ng'wi Tunda.

²⁵Goza aukoli muntu ku yerusalemu zilina lakwe aukitangwa Simeoni. Umuntu nuanso aewatai nukumukulya Itunda. nuanso aizulindie muaili wa Israeli, nu ng'wang'welu aiukole migulya lakwe.

²⁶Aituile kuhila kukiela kung'wa ng'welu kuiti nuanso sanga auzesha iza kuli kumuona U - kristo wang'wi itunda.

²⁷Luhuki lung'wi auzile mukate mitekeelo akazutongewe nung'wang'welu, Ateli ai amuletile ung'wana, yesu, kumtendela anga ilago.

²⁸Simeoni akamsingilya mumikono akwe, kumukulya Itunda akalunga.

²⁹Mulekele umitumi wako alongote kuhuili wa mukulu, kutula nulukani lako.

³⁰Kunsoko imiho ane auona uza wako.

³¹Nuingee kumiho aantu ihi.

³²Nuanso ng'welu kunsoko akukunukulya ukumbigulu nu ukulu wa antu Israeli.

³³Ihe nu nyinga nia ng'wana ai akuiwe Inkani nai itambuwe kunsoko akwe.

³⁴Smeoni akasongelya akalunga Mariamu, akwe ntegeelye kisa ung'wana uyu ite ukutula kunsoko kulimila kuguna iantu Idu ku Israeli inge kulingasilyo ku antu idu nia kuhita.

³⁵Ingi upanga ukusonsa ikolo ako ue, maswgo amukolo igelekee!

³⁶Munyakidagu musungu nai witangwa Ana hangi au koli mitekelo, nuanso ai munanso wang'wa Fanueli kupuma ulelwa wa ng'wa asheli, Aukite mahiku idu, nung'wenso ai ikie nu mugoha myaka mapungate nai ihoile.

³⁷Akatula muhimbe kumanyaka munana na unne Nuanso shanga aiwihega mitekelo akendelea kumukulya Itunda palung'wi nukupunga nukulopa, utiko nu mung'wi.

³⁸Matungo nanso akaza pang'wanso na iakoli akamusongelya Itunda akaligitya kunsoko ang'wa na kumuntu na mulindie ku Yerusalemu.

³⁹Naiamalile kila ekintu naealoilye kituma ilango la mukulu ikasuka ku Galilaya, kukesali, kao, Nazareti.

⁴⁰Ung'wana akakula akatula ukete inguru akaongeleka mulikalo, Uza wang'witunda ukatula mingulya.

⁴¹Ialeli akwe kila ung'waka enda ku Yerusalemu kunsoko amilundo wa Pasaka.

⁴²Nautuele myaka ikumi na ibili akalongoka hange naeipipile miko kunsoko amilundo.

⁴³Naisigile matungo ehi kunsoko amilundo ikanza kusuka kito. Inge Umuhumba u-Yesu auasiga kunyuma mumo mu-Yerusalemu ialeli akwe shanga ikalinga ili.

⁴⁴Aialiye ukoi palung'wi neinso naiakugenda aiagendile luhiku. Kululo akanza kumuduma Mwanya ndugu ao.

⁴⁵Naialemilye kumulija akasuka ku-Yerusalemu ikatula kumuduma kuko.

⁴⁶Ikatula mahiku atatu ikamuhanga mutekelo akazimikie pakate pamanyisigwa akizu ategeye nuku akolya inkani.