Lukas 24:13-26

¹³Leol na kon, Yesus ima-ii at dua lakos se ingu mesa, ngala Emaus. Iung na katang deng kota Yerusalem ma, nataka le kilu hngul esa.

¹⁴Oen lako mo dehet deng Yesus in mate ka.

¹⁵Suknahkitu lam, Yesus esa maa dadani nol oen duas, le laok leo-leo nolas.

¹⁶Mo oen duas taan noan Un nam mo Yesus lo, lole Ama Lamtua taos le halin oen tanan lo.

¹⁷Kon Yesus keket oen duas noan, “Mi duam, dehet sa-saa tuun na?” Ming ela kon, oen duas laok napiut lo, mo dili. Oen duas silan nas el in sus isi ka.

¹⁸Hidim atuling in ngaal Kleopas sa keket Un noan, “Ama hnika ka el atuil balu, man taan saa lo deng asa man in daid son se Yerusalem babalun nia ka?”

¹⁹Kon Yesus keket noan, “Asa na le?” Oen duas siut noan, “Mo Yesus in deng Nasaret ta la! Un nam meman baktetebes Ama Lamtua Allah mee-baha. Nol Ama Lamtua Allah kon bel Un kuasa le tao taad herang bili-ngala. Un kon taan isi nol in tui atuli. Atulis totoang kom Un isi. Hidim Ama Lamtua kon kom Una.

²⁰Mo anan kaim tulu agama Yahudi las tene-tenen nas, nol blalan-blalan hadat tas daek Una. Hidim oen sao Un lako bel gubernur ra le hukung tele. Tiata oen pauk tele Un se kai sangsuli dapa.

²¹Poh hmunan na, kaim totoang nangan nol nahlae noan, Un na mo Kristus, man maa le sas-sao kaim bangsa li deng pamarenta Roma li in tudan-kida kia. Mo leol lima babalun ni, oen keo tele Un son.

²²Halas ni, kaim nangan hapun lo lalaok tuun. Ta apin bihaat in deng kaim buan ni ngias maas tek le, oskaong bii ku oen lakos se niut utu kua.

²³Oen teka noan, Yesus nitun na ilang son. Hidim oen net Ama Lamtua Allah ima-ii deng sorga tekas noan, Yesus nuli pait son!

²⁴Ming ela kon, kaim tapan nas at ila lo lail lakos se niut utu kua. Kon oen in neta ka el bihata-bihata las in teka ka. Oen net Yesus nitun na lo.”

²⁵Oen duas dehet hidi ela kon, Yesus tekas noan, “Mi in ngengo kia! Tasao le mi dai parsai asa man Ama Lamtua mee-baha las in tek meman son deng lolo hmunan nua ka, lo kia!

²⁶Ta oen dul meman son noan, Kristus musti haup susa-daat tuladang ela muna, halas-sam Un sium in todan, nol kuasa man muun isi ka.”