Luka 9:2-33

²Bičhaldalen te navestisaren o carstvo e Devlesko thaj te sastaren e nasvalen.

³Thaj phendas lenđe: “Na te aveltumen tumenca po drom ni rovlji ni ande trjasta so hana, ni love thaj na te aveltumen tumenca po duj haljine!

⁴Kana boravin ande varesko gav, smestintumen ande jek ćher thaj na naćhen andar o ćher ando ćher dok či džan ande aver gav.

⁵Ande savo gav či primintumen, inkljen andar godova gav, thaj ćhinon o praho katar tumare pungre. Godova avela znako kaj muklineles lešće sudošće.”

⁶Thaj e učenikurja teljardine: obilazinas e gava, navestinas e bahtali nevimata thaj sastarenas e nasvalen.

⁷Kana ašunda o vladiri Irod so dogodisajlo, sas zbunime, kaj varesave phenenas kaj o Jovano savo bolelas uštilo andar e mule.

⁸Aver phenenas pojavisajlo pe phuv o Ilija, a aver palem phendine: “Uštilo andar e mule varesavo proroko andar epurani vrjama.”

⁹A o Irod phendas: “Me odrubisardem e Jovanosko šoro. Ko si askal akava pale kaste gaći ašunav?” Thaj rodelas prilika te dičhel e Isuse.

¹⁰Kana e apostolurja boldinepe katar e okolne krajurja, phendine e Isusešće sa so ćerdine. Askal o Isus inđardalen pesa te avel lenca korkoro, paše pašo gav akhardo Visajda.

¹¹Ali kana godova ašunda o them, teljarda pale leste. Vo primisardalen thaj phenelas lenđe andar o carstvo e Devlesko thaj sastardas savoren ko trubuja sastipe.

¹²Kana pašolas o krajo e đesesko kasno mismere avile ko Isus majpaše e dešuduj učenikurja thaj phendine e Isusešće: “Te mukas e theme te džal pe okolne gava te araćhen kaj raćarena thaj so hana kaj sam akate ando samotno krajo?”

¹³A o Isus phendas lenđe: “Tumen denlen te han!” A von phendine. “Najamen majbut katar pandž mangre thaj duj mačhe, osim te džas te ćinas hamasko pale sa o them.”

¹⁴A sas katar pandž milje manuša (či đinavenaspe e manušnja thaj e čhavra). O Isus phendas pe učenikonenđe: “Phenen lenđe te bešen ande skupine po pandžvardeš džene.”

¹⁵Thaj savora bešline.

¹⁶A o Isus lija e pandž mangre thaj e duj mačhe, dikhla ando nebo, blagoslovisardalen thaj phagla o mangro pa dija pire učenikonenđe te podelisaren e themešće.

¹⁷Savora haline dok či čaljile. Thaj katar okova so ačhilo e themešće ćidine dešuduj pherde korpe kotora mangre thaj mačhe.

¹⁸Jekhvar dok o Isus crdape po korkoro than te molilaspe, lesa sas samo lešće dešuduj učenikurija. Pale godova phučlalen: “So phenel o them, ko sem me?”

¹⁹Von phendine: “Varesave phenen kaj san o Jovano savo bolelas, aver kaj san o proroko Ilija, a trite palem kaj uštilo andar e mule varesavo katar aver purane prorokurja.”

²⁰A vo phučla len: “A tumen, so tumen phenen, ko sem me?” A o Petar phendas: “Hristo Pomazaniko e Devlesko!”

²¹A o Isus zapovedisardas lenđe te na phenen khoniašće kaj si vo o Mesija.

²²Thaj phendas: “Kaj me, o Čhavo e Manušesko, trubul but te trpisarav. E starešine, e šorvale rašaja thaj e sikavne e Mojsiješće zakonestar odbacinaman. Mudarena man aj me o trito đes uštava andar e mule.”

²³Pale godova o Isus phendas savorenđe: “Ako vareko kamel te avel mungro sledbeniko, neka odreknilpes korkoro pestar, nek svako đes lel piro trušul thaj nek džal pale mande.

²⁴Kaj svako ko kamel te spasisarel piro trajo, hasarelales; a ko hasarel piro trajo zbog mande, godova spasilales.

²⁵Kaj savi korist si e manušesće ako zadobisarel sa o them, a korkoro pes hasarel ili pešće naudil?”

²⁶Ko ladžal mandar thaj mungre alavendar, lestar vi me, o Čhavo e Manušesko, ladžava kana avava ande slava mungri thaj e slava mungre Dadešći thaj e svete anđelenđi.”

²⁷“Čačes phenav tumenđe: 'Varesave save si akate tumendar či merena dok či dićhen e Devlesko carstvo.'”

²⁸A kana nakhla varekaj katar ohto đes katar godola alava o Isus lijas pesa e Petre, e Jovano thaj e Jakove ande gora te pomolilpe.

²⁹Dok molilaspe, lesko muj promenisajlo, a e drze pe leste postanisardine parne thaj sjajne.

³⁰Ande godova pojavisajle duj manuša thaj ćerenas svato e Isusesa. Sas godova o Mojsija thaj o Ilija.

³¹Pojavisajle ande slava thaj ćerenas lesa svato pale lesko smrto savo trubul te avel savo trubul još cara te avel ando Jerusalimo.

³²E Petre thaj lešće drugaren lija e lindri. Kana džungadile, dikhline lešći slava thaj duj manušen save ačhenas lesa.

³³Thaj dok godola duj džene von džanastar lestar, o Petar phendas e Isuseće: “Sikavneja, lačhe kaj sam kate. Te ćeras trin sjenice: jek tuće, jek e Mojsijašće, thaj jek e Ilijašće.” Či džangla so phenel.