Luka 23:2-25

²Thaj lije te vačaren: “Arakhljam le sar hohavol amare manušen, thaj ni dol te počinen o porez amare carose, a pese vačarol kaj si o Hristo, caro.”

³A o Pilat pučlja le: “Tu li san o caro e Jevrejengo?” A o Isus irindoj vačarda lese: “Gija si sar so tu vačare.”

⁴A o Pilat vačarda e glavnone šerutnenđe: “Me ni arakhav nisavo banđipe ane kava manuš.”

⁵A von dije zori vačarindoj: “Vov pire sikaimasa e manušen bunil ki sa i Judeja. Sikavol ki sa i Judeja. Počnisada ki Galileja thaj avilo sa đi kate ano Jerusalim!”

⁶Thaj kana šunda o Pilat, pučlja: “Vov li si tari Galileja?”

⁷Thaj kana šunda o Pilat kaj si o Isus tari Galileja bičhalda le ko Irod, golese so o Irod vladisada ani Galileja. A vov sasa an gola đivesa ano Jerusalim.

⁸Kana dikhlja o Irod e Isuse sasa but radujimo, golese kaj odavno manglja te dičhol le, golese kaj but šunda lestar, thaj dija gođi kaj o Isus ka čerol nesavo čudo angle leste.

⁹Thaj o Irod pučlja baše but buča, a o Isus khanči ni vačarda lese.

¹⁰A e šerutne e sveštenikurenđe thaj e učitelja tare Mojsijaso zakono ačhile, thaj but bilačhipe vačarde lestar.

¹¹A o Irod thaj lese vojnikura lađarde thaj asaje e Isusese, urade le ano carsko fostano, thaj bičhalda le palal ko Pilat.

¹²Thaj ane gova đive mirisajle o Pilat thaj o Irodo maškare peste, golese kaj angleder sesa ane čingara.

¹³A o Pilat čidija e šorutnen e sveštenikurenđe thaj e barutnen thaj e manušen thaj

¹⁴vačarda: “Anden manđe kale manuše thaj phenen kaj e manušen bunil. Ake me angla tumende pučljem le, thaj ni arakhav ni jekh banđipe so tumen čhuven pe leste.

¹⁵A i o Irod ni arakhlja banđipe pe leste, golese bičhalda le palal amende, thaj ak khanči ni čerda te mudardol.

¹⁶Golese Ka šibi le thaj ka mukha le.

¹⁸A e manuša sa dije vika vačarindoj: “Le kale a muk amenđe e Varava!”

¹⁹(O Varava sasa čhudimo ano phanglipe golese so čerda pobuna ano Jerusalem thaj mudarda nekas.)

²⁰A o Pilat vađi jekh drom vačarda kaj bi vov mučhola e Isuse.

²¹A von dije vika: “Čhu le ko krsto, čhu le!”

²²Thaj o Pilat trito drom vačarda: “Savo bilačhipe vov čerda? Me khanči ni dikhav sose bi mudardol, gija ka šibiv le thaj ka mukhav le.”

²³A e manuša po but vazdije po glaso thaj manglje te čhuvolpe ko krsto, thaj čerde okova so manglje.

²⁴Thaj o Pilat vačarda te avol sar so e manuša manđen.

²⁵Thaj mukhlja e Varava, savo sasa ano phanglipe bašo pobuna thaj bašo mudaripe, a e Isuse dija lenđe sar so manglje.