Luka 15:11-29

¹¹Thaj o Isus vačarol: “Jekhe manuše sesa duj čhave.

¹²Thaj o cikneder vačarda e dadese: 'Dade! Dema kobor si mingro taro amaro barvalipe savo preperol manđe.' Thaj o dad ulada lenđe o barvalipe.

¹³Thaj pale nesavo đive, čidija o cikneder čhavo sa piro, đelo ani durutni phuv, odori xalja sa o barvalipe thaj živisada dilikane.

¹⁴Thaj kana xalja sa e pare, sasa but baro bukhalipe ane goja phuv, thaj ni sasa le so te xal.

¹⁵Thaj đelo ke jekh manuš thaj rodija bući, thaj gova manuš bičhalda le ane piro polje te aračhol e balen.

¹⁶Thaj o čhavo sasa gija bokhalo kaj bi xala i gova so xan e bale, al khoni ni dijale ni gova.

¹⁷Thaj kana avilo ane peste, vačarda: 'Kobor e bučarne ke mo dad isilen so te xan, a me kate merav bukhalo!

¹⁸Ka đamanđe čhere, ke mo dad, pa ka vačarav lese: 'Dade, grešisadem angle tute thaj anglo Dol.

¹⁹Našti te akhardivav ćiro čhavo. Lema sar jekhe ćire bučarne.”

²⁰Thaj uštilo em đelo ke po dad. A kana sasa po dur tar po čher, dikhlja le leso dad, thaj pelo lese žal, thaj prastija lija le ani angali thaj čhumidija le.

²¹A o čhavo vačarda lese: 'Dade, grešisadem angle tute thaj anglo Dol! Našti te akhardivav čhavo ćiro.'

²²A o dad phenda e kandinenđe pirenđe: 'Ikalen emšukar fostano thaj uraven le, thaj den le angrustik ko va thaj pođipe ke pingre!

²³Thaj anen okole terne thule guruve thaj čhinen le, te ha thaj te raduji amen.

²⁴Golese kaj mingro čhavo sasa mulo thaj irisajlo ko đuvdipe, sasa hasardo thaj akana arakhadilo!' Thaj lije te raduinpe.

²⁵A leso čhavo o phureder sasa ano polje, thaj kana avilo pašo čher šunda čhelipe thaj bašalipe.

²⁶Thaj dija vika jekhe sluga thaj pučlja le: 'Sosi gova?'

²⁷A vov vačarda lese: “Ćiro phral avilo, thaj ćo dad čhinda terne thule guruve, so dikhlja le đuvde thaj saste.”

²⁸Thaj o phureder phral holajlo thaj ni manglja te avol andre. Tegani iklilo leso dad thaj molisada le te dol ano čher.

²⁹A vov vačarda pe dadese: 'Ak kandav tut sar robo gači berša, thaj nikad ni phagljem ćo lafi, thaj manđe ni jekh drom ni dijan ni buzore te radujima me amalencar.