لُكِ 15:11-29

¹¹عِسَ مَن نَشَ عَ مَسٍن، «شّمّ ندٍ نُ نَ، دِ شّمّ قِرِن نُ نَشَن يِ رَ.

¹²عَ شَ دِ قِرِن ندٍ نَشَ عَ قَلَ عَ بَبَ بّ، ‹وٌن مَ دٍنبَيَ هَرِفٍ سّيتِ سٌ ﭑ يِ رَ، نَشَن لَنمَ عَ شَ قِندِ ﭑ فبٍ رَ.› نَ كُي، بَبّ نَشَ عَ هَرِفٍ عِتَشُن عَ شَ دِ شّمّ قِرِنيِيٍ مَ.»

¹³«عَ مُ بُ دِ قِرِن ندٍ نَشَ عَ شَ سٍ بِرِن مَلَن، عَ قَ بِيَاسِ حَمَنّ مَكُيٍ. عَ نَشَ عَ هَرِفٍ مَكَنَ مّننِ، قُيَنتٍيَ كُي.

¹⁴عَ بِرِن تٌ حْن، كَامّ قَن نَشَ سِن نَ حَمَنّ مَ عَ شْرْشْي رَ، سٍسٍ مُ لُ نَ دِ يِ رَ.

¹⁵عَ تٌ سِفَ وَلِ قٍندٍ نَاكَ ندٍ شْن، نَ نَشَ عَ شّي شْسّيٍ دّ مَدٌندٍ.

¹⁶وُرِ بٌفِ نَشَن نُ سٌمَ شْسّيٍ يِ، عَ تَن نُ وَ مَ نَ نَن دٌنقٍ، كْنْ مِشِ يٌ مُ تِن عَ كِدٍ ندٍ رَ.»

¹⁷«نَ كُي، عَ نَشَ شَشِلِ سْتْ قَ، عَ عَ قَلَ عَ يّتّ بّ، ‹ﭑ بَبَ شَ وَلِكّ بِرِن لُفَمَ عَ قَنيِ رَ، عٍ دٌنسٍ دْنشْي لُ، عَ قَ لِ ﭑ تَن نَ قَشَقٍ كَامّ نَن نَ بٍ!

¹⁸قٌ ﭑ شَ فبِلٍن ﭑ بَبَ شْنيِ، ﭑ شَ عَ قَلَ عَ بّ، ﭑ بَبَ، ﭑ بَرَ يُنُبِ سْتْ عَلَ رَ، ﭑ بَرَ هَاكّ سْتْ عِ قَن نَ.

¹⁹عَ مُ دَشَ سْنْن ﭑ شَ قِندِ عِ شَ دِ رَ. عِ شَ ﭑ قِندِ عِ شَ وَلِكّ نَن نَ.›

²⁰عَ نَشَ كٍلِ، عَ سِفَ عَ بَبَ شْن.» «بٍينُن عَ شَ نَا لِ، عَ بَبَ نَشَ سَ عَ تٌ قَ رَ، عَ مَكُيَشِ عَ رَ سِندٍن. عَ بَبَ نَشَ كِنِكِنِ كِ قَنيِ. عَ نَشَ عَ فِ، عَ سَ عَ شَ دِ رَلَن، عَ عَ مَسُنبُ.

²¹دِ نَشَ عَ قَلَ عَ بّ، ‹ﭑ بَبَ، ﭑ بَرَ يُنُبِ سْتْ عَلَ رَ، ﭑ بَرَ هَاكّ سْتْ عِ قَن نَ. عَ مُ دَشَ سْنْن ﭑ شَ قِندِ عِ شَ دِ رَ.›»

²²«كْنْ عَ بَبَ نَشَ عَ قَلَ عَ شَ كٌنيِيٍ بّ، ‹وٌ وٌ شُلُن، وٌ قَ فُبَ قَنيِ رَ، وٌ عَ رَفٌرٌ عَ مَ. وٌ بّلّشّرَ سٌي سٌ عَ بّلّشّ رَ، وٌ سَنكِرِ سٌ عَ سَنيِ.

²³وٌ قَ نِنفٍ تُرَشِ رَ، وٌ عَ قَشَ. وٌن شَ وٌن دّفٍ، وٌن شَ شُلُنيِ تِ،

²⁴بَرِ مَ ﭑ مَ يِ دِ نُ بَرَ لُ عَلْ عَ نُ قَشَشِ نّ، كْنْ عَ نِي مَن بَرَ فبِلٍن عَ عِ. عَ نُ بَرَ لْي، كْنْ عَ مَن بَرَ تٌ.› نَ كُي، عٍ نَشَ شُلُنيِ تِ قْلْ.»

²⁵«نَ وَشَتِ، دِ سِنفٍ نُ نَ شّ مَ. عَ تٌ نُ سٌقٍ، عَ عَ مَكْرّ بَنشِ رَ، عَ نَشَ شُلُنيِ شُي مّ.

²⁶عَ نَشَ كٌنيِ ندٍ شِلِ، عَ عَ مَشْرِن، ‹مُنسٍ رَبَشِ يِ كِ؟›

²⁷نَ نَشَ عَ يَابِ، ‹عِ شُنيَ نَن قَشِ. عِ بَبَ بَرَ نِنفٍ تُرَشِ قَشَ، بَرِ مَ عَ مَن بَرَ عَ شَ دِ مَسْتْ عَ يَلَنشِ.›

²⁸دِ سِنفٍ نَشَ شْنْ، عَ تٌندِ سٌدٍ بَنشِ. عَ بَبَ نَشَ مِنِ، عَ سٌ عَ مَيَندِقٍ،

²⁹كْنْ عَ شَ دِ نَشَ عَ قَلَ عَ بّ، ‹عَ مَتٌ، كَبِ حّ وُيَشِ ﭑ تَن وَلِمَ عِ بّ عَلْ عِ شَ كٌنيِ، ﭑ مُ عِ شَ يَامَرِ مَتَندِ هَلِ كٍرٍن. كْنْ نَ بِرِن كُي، هَلِ سِ لَنمَ، عِ مُ نُ عَ قِ ﭑ مَ، مُشُ نُن ﭑ بٌورٍيٍ شَ شُلُن دِ تِ.