LEVITIKO 3:12-16

¹²“Bema tau ta ia ura nanigosi do ia henia, inai boubou be Lohiabada ena vairanai do ia atoa.

¹³Unai tau ese iena imana be nanigosi ena kwarana latanai do ia atoa, bona do ia alaia mase Palai Dubu ena vairanai. Hahelagaia taudia ese nanigosi ena rarana be boubou patana ena kahana ibounai dekenai do idia negea.

¹⁴Bona idia ese nanigosi ena tauanina kahana haida Lohiabada dekenai aniani boubouna totona do idia henia, kahadia be inai: Bogana bona bogarauna ena digara ibounai,

¹⁵nadinadi ibounai mai edia digara, bona asena ena kahana badana danu.

¹⁶Hahelagaia tauna ese inai vamu ibounai do ia gabua ore. Inai be aniani boubouna, bona ena bonana be namo herea Lohiabada dekenai. Digara ibounai be Lohiabada ena.