LEVITIKO 17:10-16

¹⁰“Bema Israela tauna ta o idau bese tauna, Israela dekenai ia noho, ese vamu mai ena rara danu do ia ania, lau ese unai tau do lau badu henia, ia be iena bese dekena amo do lau atoa siri.

¹¹Badina be mauri gaudia ibounai edia mauri be rara dainai. Unai dainai lau Lohiabada ese lau oda henia vadaeni rara ibounai be boubou patana dekenai do idia bubua, taunimanima edia kara dika davana do ia karaia totona. Rara be mauri, bona rara ese kara dika ia kokia noho.

¹²“Unai dainai lau Lohiabada ese taravatu badana lau gwauraia inai: Israela taudia, bona edia huanai idia noho idau bese taudia danu ese vamu mai rarana danu do idia ania lasi.

¹³“Bema Israela tauna ta o Israela taudia edia huanai ia noho idau bese tauna ta do ia labana, vadaeni uda gauna ta o roho manuna ta, aniani gauna do ia alaia mase, ia ese rarana do ia habubua tano dekenai, bona tano kahu dekena amo unai rara do ia koua.

¹⁴Badina be mauri gaudia ibounai edia mauri be rara dainai. Unai dainai lau Lohiabada ese lau oda henia vadaeni, vamu mai rarana danu do umui ania lasi. Bona bema umui ta ese unai bamona ia karaia, ia be iena bese dekena amo do lau atoa siri.

¹⁵“Tau ta, Israela tauna o Israela taudia edia huanai ia noho idau bese tauna, bema ia ese mase kava gauna ta o uda ena dagedage gauna ese ia alaia gauna ta do ia ania neganai, unai tau ese iena dabua do ia huria, bona do ia digu, bona do ia miro noho ela bona dina do ia diho. Unai murinai unai tau do ia goeva.

¹⁶To bema ia ese iena dabua do ia huria lasi, o do ia digu lasi, ia be do ia kerere.”