Lifitikos 17:10-16

¹⁰“Iwe, are eman aramas me lein chon Israel ika eman chon ekis mi nom rer a ün cha, ngang üpwe ü ngeni ewe aramas o ärawu me lein aramasan.

¹¹Pun manauen mönümanau meinisin a nom lon cha. Üa ngenikemi ei cha pwe oupwe föri asoren amusamusen tipis fän iten manauemi won ewe rongen asor. Iwe ren cha chök a fis amusamusen tipis, pun manau a nom lon.

¹²Iei mine üa üreni ekewe aramasen Israel: Esap wor eman leimi ika eman chon ekis mi nom remi epwe ün cha.

¹³Iwe, are eman leimi ika eman chon ekis mi nom remi epwe liapeni man ika machang mi öchün ochoch, epwe asürala chan o pwölü ewe cha ngeni pwül.

¹⁴Pun chan iteiten mönümanau ina manauan. Iei mine üa ürenikemi ämi aramasen Israel: Ousap ünümi chan eman mönümanau, pun chan iteiten mönümanau ina manauan. Iö a ün cha epwe käriwu me lein aramasan.

¹⁵Nge iteiten aramas, ese lifilifil ika eman chon Israel ika eman chon ekis, mi ochoch fituken eman man mi püsin mäla ika mi mäla ren manmwacho, epwe sopuni üfan o tütü, nge epwe limengau tori lekuniol. Mürin epwe limöch.

¹⁶Nge ika esap sopuni üfan o tütü, an pwüngingau epwe chök nonom won.”