Levitikus 17:10-16

¹⁰Fa’anra kay be’ nu Israel ara be’ u bang nma par u fithik’ yu Israel e ufin ni kabay e racha’ u fithik’, mra togopluw SOMOL ngak ma dabki tay fa’anem ni reb e girdi’ rok.

¹¹Yafos ko gubin ban’en nib fos e bay u fithik’ e racha’ riy, ma arfan ni SOMOL e keyog ni urngin e racha’ ma ngan pu’og nga daken fare altar ni nge chuweg e denen ko girdi’. Racha’, ni ir e yafos, e ma chuweg e denen.

¹²Aram fan nike yog SOMOL ngak e girdi’ nu Israel nge girdi’ nu bang ni yad be par u fithik’rad ndab ra ked e ufin ni kabay e racha’ u fithik’.

¹³Fa’anra kol be’ nu Israel ara be’ nu bang nma par u fithik’ yu Israel ba gamanman fa ba arche’ nib be’ech, ma thangri pu’og racha’en nga but’ me tharay ko but’.

¹⁴Yafos ko gubin ban’en nib fos e bay u fithik’ e racha’, aram fan ni yog SOMOL ngak e girdi’ nu Israel ni dab ra ked demturug e mit i ufin ni kabay e racha’ u fithik’, ma cha’ nra rin’ e dab kun tay ni reb e girdi’ rok Got.

¹⁵Ma demturug be’, nu Israel fa be’ nu bang nma par u fithik’rad, ni kay ufin ba gamanman ni yim’ ni rogon e yam’ fa li’ ba gamanman ni malboch, ma thingari luknag e mad rok, me maluk, me son nge mada ko blayal’ ma aram fini be’ech.

¹⁶Machane fa’anra dabi rin’, ma ra gafgow u wanegan nra yib ngak.