LAASUNDE 5:13-18

¹³Ma nɛ̀sɛyakana yã pãsĩ è andunia gũn, gbɛ̃ke zɛ́ tàta a ↄgↄdalɛ à a zĩda karii bò,

¹⁴akũ à bↄkↄtɛ vãni kɛ̀o, a aruzɛkɛ làka pínki. Kũ à nɛ́gↄ̃gbɛ̃ ì, à pↄ́ke vĩ kũ à tónɛro.

¹⁵Bisãsiri dì bo a da gbɛrɛn pótompomɛ. Lákũ à sù nà lɛn àdi ɛra à tá lɛ dↄ, àdi a zĩ àre ke le à sɛ́ à na a ↄĩ à táoro.

¹⁶Abirekũ bi nɛ̀sɛyakayã pãsĩmɛ dↄ. Lákũ gbɛ̃ sù nà lɛn àdi ɛra à tá lɛ dↄ. À ísimma wàra à pɛ̀ gukoria pã, bↄ́ mɛ́ à gↄ̃̀nɛɛ?

¹⁷Abire gbɛra à a gↄrↄ dɛ̀ gusiran kũ nɛ̀sɛyakana zↄ̃kↄ̃ↄo kũ gyão kũ pↄfɛ̃o.

¹⁸Akũ ma è à mana kũ bisãsirio à pↄ́ ble à í mi à zĩ kũ à kɛ̀ kũ wario andunia gũn sáabu kpá a wɛ̃̀ndi zaka kũ Luda a gbà lɛ́n, zaakũ a bakaan gwe.