LAASUNDE 4:2-12

²Akũ ma pì, gbɛ̃ kũ ò gànↄn sáabu vĩ de gbɛ̃ kũ ò kunnↄla,

³ama gbɛ̃ kũ odi i kↄ̀ro akũsↄ̃ adi wɛ́ kɛ pla kũ a vãni kũ òdi kɛ andunia gũnworo sã̀naḿma ń pínki.

⁴Ma è kũ pↄ́ kũ à tò gbɛ̃ dì zĩ kɛ à mɛ̀ kpáa, de àgↄ̃ de a gbɛ̃dakela yãimɛ. Abirekũ pãmɛ dↄ, pɛna gukoriamɛ.

⁵Yↄ̃nkↄ dì ↄ kpa a kùla ari à fɛ̃fɛ̃.

⁶Kunna kũ pↄ́ okũ doo kũ laakarikpatɛnaao mana de kunna kũ pↄ́ okũ plao kũ ísimmawaranaao kũ pɛna gukoriaola.

⁷Akũ ma ɛra ma yã pã pãnde è andunia gũn dↄ.

⁸Gbɛ̃ke mɛ́ à kun à nɛ́ vĩro, à vĩ̀ni kesↄ̃ dakũna vĩro. A ísimma dì lákaro, bee kũ abireo a aruzɛkɛ dì mↄ́aro. Dí yãin àtɛn zĩ kɛɛ? Bↄ́yãi à nnamanaa tɛ̃̀ a zĩdanɛɛ? Abirekũ pãmɛ dↄ, yãbↄkↄtɛ pãsĩmɛ.

⁹Pla de dola, zaakũ ń zĩkɛna àre nigↄ̃ mana.

¹⁰Tó gbɛ̃ mɛ̀n do lɛ̀tɛ, a gbɛ̃ndo ni a sɛ́. Waiyoo gbɛ̃ mɛ̀n do! Tó à lɛ̀tɛ, anigↄ̃ sɛ̀ri vĩro.

¹¹Tó gbɛ̃nↄn planↄn wutɛna gu dokↄ̃nↄn, oni kↄ̃ puusu ma. Deran gbɛ̃ mɛ̀n do ni kɛ nà à bo ĩann?

¹²Òdi gbãna mↄ gbɛ̃mɛndonɛ, gbɛ̃nↄn planↄ sↄ̃ òdi zɛ ò gímɛ. Bà nɛ́ mɛ̀n aakↄ̃ dì kɛ̃ likaro.