LAASUNDE 1:2-15

²Makũ laasunde ma pì: Yã pã búgubugu, yã pã búgubugu, a pínki pãmɛ.

³Bↄ́ àreen bisãsiri dì le andunia gũn wari kũ àtɛn kɛ a zĩ sĩnda pínki gũnwaa?

⁴Kpàinↄ dì gɛ̃tɛ, wurenↄ dì su, ama andunia dìgↄ̃ kun gↄrↄ sĩnda pínkimɛ.

⁵Ifãntɛ̃ dì bo àdi gɛ̃, àdi wã à ɛra à gɛ́ gu kũ àdi bon.

⁶Ĩa dì káka gɛ̀nↄmidↄki kpa, àdi ɛra à su gugbãnduru kpa, àdigↄ̃ likara àgↄ̃ gɛ́ àgↄ̃ su.

⁷Swa sĩnda pínki í dìgↄ̃ ká ísira gũmmɛ, ama ísira dì paro, í pìnↄ dì ɛra ò su swa pìnↄ mìiamɛ.

⁸Pↄ́ sĩnda pínki dì ń kpasa, kpasa pì yã gɛ̃̀ onala. Gugwana dì mↄ́ wɛ́aro, yãmana dì sã paro.

⁹Yã kũ à kun yã mɛ́ ani ɛra àgↄ̃ kun dↄ, yã kũ ò kɛ̀ yãn oni ɛra ò kɛ dↄ. A dufu ke kú andunia gũnlo.

¹⁰Pↄ́ke kun kũ oni pi: Ǹ pↄ́ dufu ke gwa yá? Oi! À gĩnakɛ à kun ó ã zaa zĩ kↄ̀.

¹¹Gbɛ̃ káakunↄ yã dìgↄ̃ dↄ gbɛ̃ken doro. Bee gbɛ̃ kũ onigↄ̃ kun zianↄ, ń yã ni dↄ gbɛ̃ken ziakpɛzĩro.

¹²Makũ laasunde ma kí blè Isarailanↄa Yurusalɛmu.

¹³Ma mɛ̀ɛ kpà yã kũ òtɛn kɛ andunia gũn pínki tàasikanaaa, ma gwàgwa ↄ̃ndↄ̃'ↄ̃ndↄ̃ ma è Luda zĩ pãsĩ dà bisãsirinↄnɛ ò kɛ.

¹⁴Ma yã kũ òtɛn kɛ andunia gũn è pínki, a pínki bi pãmɛ, pɛna gukoriamɛ.

¹⁵Pↄ́ fĩkarana porona vĩro, òdi le ò pↄ́ kũ à kunlo naroro.