Kölfel 86:2-7

²Kopwe amwöchü manauei, pun ngang üa föri letipom. Kopwe amanauaei, ngang noum chon angang mi apilükülükuk, pun en ai Kot.

³Ai Samol, kopwe ümöümöch ngeniei, pun ngang üa siö ngonuk iteiten rän.

⁴Kopwe apwapwai leluken noum ei chon angang, ai Samol, pun üa suki ngonuk lelukei.

⁵Pun en, ai Samol, ka kirikiröch o amusala tipis, om tong ellet a somwosom ngeni meinisin mi iotek ngonuk.

⁶Ai Samol mi Lapalap kopwe aü selingom ngeni ai iotek, kopwe aüseling ngeni ai tüngor.

⁷Lon ränin ai riaföü üpwe kökköruk, pun en kopwe pälüeniei.