SALMOS 86:2-7

²NoTeco Dios, techmanahui pampa na nijchihua campeca para nijchihuas cati quiijtohuaj motanahuatilhua. Techmaquixti pampa na nimitztequipanohua huan san ipan ta nimotemachía para techmocuitahuis.

³TOTECO, xijpiya hueyi moyolo ica na pampa nochi se tonal nimitztzajtzilijtoc, huan ipan ta nimochiya para techpalehuis.

⁴Toteco, techmaca paquilisti pampa na san ta nimitzhueyichihua.

⁵Toteco, ta nelía ticuali huan timoquetztoc timocualtalijtoc para titetapojpolhuis. Tiquinicnelía huan nimantzi tiquintasojta nochi cati mitztajtaníaj motapalehuil.

⁶TOTECO, techtacaquili quema nimotatajtía. Quena, techtacaquili quema nimitztzajtzilía.

⁷Nimitztzajtzilis ipan nopa tonali quema nechajsis taohuijcayot, pampa san ta technanquilía huan techpalehuía.