GWAY GI IDAWUU’D 86:2-7

²’Tashi mondiki/em pem ’twa/ mo, haali/ aha/ tana wathiŋ gayiin mo. Tayi c̱iŋkinam pini is ki me’d mo, a’di jin gami gwo is e /e mo.

³/E tana Arumgimis pem mo. Miiyi mii ka ’the gom aha/ mo, ayy Tap̱a, haali/ e /e mo tani aha/ gwokina ’twa/ i /e iyula tente/ mo.

⁴’Kunyi aḵashira/ gi c̱iŋkinam pini mo, haali/ e /e, ayy Tap̱a, aḵashiram pem ’de’kka/ ’kup̱ ’kup̱ ki mis mo.

⁵Haali/ /e, ayy Tap̱a, ta a’di jin ’boro’d mo dhali jin gwamki’da gwam mo, ki mo/en pini jin ṯelu sho’k mo jin ishki’d ka enthus mo gom uni ’baar mo kun mini yuḵ /e mo be.

⁶C̱iyi ’cem pini, ayy Tap̱a, ka ’thom pem mo. Ciḵi gwo gom ko jin gwoka/ ka di’b me’di is mo.

⁷Ka tee jin ṯocu aha/ bwa mo tani aha/ yuḵkina /e mo, haali/ /e thoḵki aha/ ’twa/ mo.