Kölfel 76:2-8

²A förätä lenian me lon Jerusalem, a nonom won ewe chuk Sion.

³Ikenan a kupi än chon oputan kewe föün esefich mi meriweriw, ekewe tittin maun, ekewe ketilas me ekewe pisekin maun.

⁴En ka fokun ling o tekia, lupwen ka liwinto seni ekewe chuk, ia ka akufu chon oputom me ie.

⁵Ekewe sounfiu mi pwora a oo seniir liaper, ra turula o möürüfoch. Ekewe chon maun meinisin esap wor ar pöchökül.

⁶Ai Kot än Jakop we Kot, ren om apwüngü ekewe chon wawa oris me ekewe oris ra turula o mäla.

⁷Nge en echök, ai Samol mi Lapalap, aramas repwe niuokusituk. Iö a tongeni ü me mwom, lupwen ka song?

⁸Ka eäni kapwüng seni won läng. Iwe, fanüfan a niuokus o fanafanala,