GWAY GI IDAWUU’D 76:2-8

²Monyc̱a’b piti a’di ṯelkunu sho’k mo e Pan Saliim mo, mo jin c̱a’ba a’di mo tani a’di di’d eya Sihyuun mo.

³E mun mo tani a’di ki ’ce’da thop̱a/ kun shinunu ki o’d ki yuwar yuwar bwa mo, dhali agoŋgoro/ gi mo/as mo dhali gandal gi mo/as mo dhali aris toŋkan gi mo/as mo. Doshi ma dhali ’cunycuri yan mo.

⁴Monyca ta jim pini mo, dhali mo jin eḵu mmobol dhan wosha turga/ e kun ’kon ki sule/ sule/ mo.

⁵’Kwani kun ’kon ma du ki dhethadhe’th mo tani uni dilkunu tom buni kun dilina uni mo. Uni cic̱kin e mo jin ishu e mo. Aris ’kwani gi mo/as mo tani uni mol me’d buni bu’th mmomii to mo.

⁶E mo ma ḵucur pini mo ayy Arumgimis ma Yakuub mo tani a’di jin mer shumaruma p̱o/ mo dhali shumarum mo uni su/ miikina buye/ ka yiŋkira/ mo.

⁷Hili /e, /e tana pure/ mo. Kaja a’di imidi mish doshi bwambori /e mo me’d jin min ma nyor pini ’tulu/ ka pije/ mo?

⁸’Peni momis mo tani /e ki bah gwo gom gwon dwall jin toru ’twa/a ’cesh mo. Mony’cesh ḵo/ki is mo dhali dosh shoka ’cesh mo