Psalms 76:2-8

²Noko wonong mu Salem aniso; se Zion mu noko bagara kuwim.

³Umu te nu gatu kore tamatama mu biagaram; nu karem se saenang mel suen biya mu kulukumuram ale menawuram.

⁴Ni keta nikim biya karogo; ni King Biya, se duruk bibiya sokel ago mu ni nunga kiarem.

⁵Ni te se kager ko kari aora aora mu dagulu kua sapaman se ni nunga kager ko melmasak mu gi saperem; se bo kasagarukko me terong.

⁶O Jacob ko Kaem, ni sail karogo balem ale iningirem, se kager kari nunga horse karogo dagulu sor kutek ma saparam.

⁷Ni keta suanta kariimet suen la ninguru ka nguanga gilingisan! Ni gemang magaruk, mu awiri ni kema te sanamarukko terong? Mena.

⁸Ni duruk wonong te baga se kariimet nunga tutera ko den mu ni balem, se ali lilim den mu ikiam ale nguangaram ale sor kutek ma saparam.