Kölfel 63:2-11

²Üa mochen künok lon imwom mi pin pwe üpwe nengeni om manaman me om ling.

³Pun om tong ellet a mürina seni manau, ngang üpwe mwareituk.

⁴Iwe, üpwe kilisou ngonuk lon ränin manauei meinisin. Üpwe aitietä pei lon ai iotek ngonuk.

⁵Ngüni a mötüla usun üa mötüla ren mongö mi annö. Üpwe mwareituk fän pwapwa,

⁶üa chechemenuk, lupwen üa kon won ai peet o ekieki usum lepwin.

⁷Pun en ai soualilis, üa köl fän pwapwa me fän nürün poum.

⁸Üa fitipacheituk, pöüifichum a amwöchüeitä.

⁹Nge chokewe mi mochen nieila repwe feitiu epin fanüfan,

¹⁰repwe mäla lon maun, nge kolak mi mwacho repwe ochei fituker.

¹¹Nge ewe king epwe meseik ren Kot. Meinisin mi eäni iten Kot le pwon fän akapel repwe mwänek, nge awen ekewe chon chofana repwe pinela.