Salmo 63:2-11

²Mailak komas sik-a sin oneg di Timplo ta ilaek din panakabalin ya kinadiyos mo.

³Din adi manbalbaliw ay layad mo et nabanbanol mo din mismo ay biyag ko, isonga ikankantak din dayaw mo.

⁴Idaydayaw kos sik-a engganay mapap-eng di biyag ko, kankanayon ay ikakayang kon takkay ko ay mankararagak en sik-a ay Apo.

⁵Napnenapnekak ay kaman din nangan si kosto, naragsakak ay mangidaydayaw en sik-a ay Diyos ko.

⁶Mo pay ta sin labi et ibakbaktad ko, enggana sin mapat-a et wada ka sin nemnem ko.

⁷Tan kankanayon ay wada ka ay binmadbadang, et kamanak kiyap ay sinasakokoan di oboan, isonga naragsakak ay mangikanta si inyat mo ay nangay-ayowan.

⁸Pomketak en sik-a, Apo, et ayowanam sak-en sin panakabalin mo.

⁹Din pay mamadpadas ay mamse en sak-en, awni et maitapi da sin kad-an di natey ed dallem.

¹⁰Sin gobatan et matey da, et kanen di atap ay aso din bangkay da.

¹¹Manragsak din ari tan nangabaken Diyos sisya. Makiragsak abe din iib-a na ay mansapata sin ngadan Diyos ed daya, ngem din makaetek ay ipogaw et maipaginek da.