Yontu 63:2-11

²Hɑɩ, Ɩsɔ, nyɑɣɑlɛ mɑ Ɩsɔ, mɑ pɛɛkəɣɩ-ŋ kɛ́, mɑ ləsɑɣɑ nyɩɩləɣɩ-ŋ kɛ́, nɑ mɑ́ tɛŋ tɑɑsɩ kɛ nyɑ́ tɔɔ kɛ́ wʋlɑɣɑ tɛtʋ nti tə tɑɑ lʋm fɛɩ tɔ.

³Nyɑ́ təyɑɣɑ tɑɑ kɛ́ mɑ nyənɑ-ŋ teu nɑ mɑ́ nɑ́ nyɑ́ toŋ nɑ nyɑ́ teeli.

⁴Mpi tɔ, nyɑ́ kʋpɑntʋ kəlɑ weesuɣu kɛ teu. Mɑɑ kpɑɑlɩ nyɑ́ sɑmtʋ.

⁵Nyɑɣɑ mɑɑ sɛɛ mɑ weesuɣu tənɑ, nɑ mɑ́ sələməɣənɑ nyɑ́ hətɛ.

⁶Mɑɑ hɑɣɑ kɛ́ ɩsɩɩ mɑ tɔɣɔ nim tɔɣɔnɑɣɑ kʋpɑŋkɑ. Ɩlɛnɑ mɑ́ yoo-ŋ yontu nɑ lɑŋhʋlʋmlɛ.

⁷Ye mɑ həntɑɑ, mɑ tɔɔsəɣɩ nyɑ́ tɔm kɛ́, nɑ mɑ mɑɣɑsəɣɩ-təɣɩ mɑ tɑɑ kɛ́ ɑhoo tənɑ.

⁸Nyɑɣɑlɛ mɑ wɑɑsʋlʋ, mɑ lɑŋlɛ hɛɛnɑ nyɑ́ keŋ ɩsotom tɑɑ cɑɣɑlɛ.

⁹Mɑ tɑmsənɑ-ŋ kɛ́ nɑ luɣu kʋlʋmʋɣʋ, nyɑ́ toŋ wɑɑsəɣənɑ-m.

¹⁰Mpɑ pɑ lʋkɩ mɑ weesuɣu ləsʋɣʋ tɔ, pə́ wɑkəlɩ-wɛɣɛ lɔŋ nɑ pə́ sʋsɩ-wɛɣɛ tɛtʋ lumɑŋ tɑɑ.

¹¹Pə́ kʋ-wɛɣɛ ɩsɑɣɑkʋɣʋ nɑ pə́ wɑɑsɩ tɑɑlɛ hɑsɩ.