Kölfel 60:6-12

⁶Kot a kapas seni lon imwan mi pin, “Lon ai meseik üpwe ineti Sikem o aineti ewe lemolun Sukot ngeni nei aramas.

⁷Kiliat fanüei, Manasa pwal fanüei, Efraim imwei akkaw, Juta woki wokun king.

⁸Moap sepiei sepien tötöl, üpwe moneela ipwei sus won Etom, asisilan pwe fanüei, nge won ewe fanü Filistia üpwe arükak fän ai win.”

⁹Iö epwe emwenieilong lon ewe telinimw mi pöchökül tittin? Iö epwe emweniei ngeni Etom?

¹⁰Ai Kot, ifa usun, ka wesewesen pöütikeemila? Ifa usun, kosap chüen eti äm mwichen sounfiu le feila maun?

¹¹Kopwe alisikem pwe aipwe tongeni maun ngeni ekewe chon oputakem, pun än aramas alilis a lomotongau.

¹²Are Kot a etikich, kich sipwe win, i epwe akufu chon oputakich.