Psalm 60:6-12

⁶Kot kotin masanier nan sapwilim a mol saraui, i me i peren kida; i pan nek pasang Sikem o sosong sap Sukot.

⁷Kilead o Manase iei sap we; ngai kin kaunda Epraim; a Iuda iei ai sokon;

⁸Moap iei ai dal en dudu; i kin tiakedi Edom; Pilista kin ngisingis ong ia.

⁹Is me pan kalua ia nan kanim tengeteng eu? Is me pan iang ia lel Edom?

¹⁰Kaidin komui ai Kot? Komui me kase kit alar o sota iang at karis akan.

¹¹Kom kotin sauasa kit ni at apwal akan, pwe en aramas ar sauase sota katepa.

¹²Iangaki at Kot kit pan kapwaiada dodok apwal akan. A pan kotin tiakedi at imwintiti kan.