Kölfel 41:7-12

⁷Meinisin mi oputaei ra mwöngününgünfengen usi, ra ekiekietä mine a fokun ngau ngeniei.

⁸Iwe, ra apasa, “A üri och samaungau, esap chüen tongeni pwätä seni an kiekien samau.”

⁹Pwal chiechiei mi fokun kan ngeniei, üa pwal fokun lükü, ätewe mi mongö rei, a ü ngeniei.

¹⁰Nge en, ai Samol mi Lapalap, kopwe ümöümöch ngeniei o apöchökülaei, pwe üpwe tongeni liwini ngeni ekewe chon oputaei ükükün ar föför.

¹¹Üa silei pwe en ka pwapwaitiei, pun ekewe chon oputaei resap tongeni akufuei.

¹²En ka alisiei, pun üa föri mine a pwüng, ka pwal anomuei fän mesom tori feilfeilachök.