Kölfel 40:3-13

³A aiti ngeniei echö köl mi fö, echö kölün mwareiti ach Kot. Chomong repwe küna ei o niuokus, repwe anomu ar apilükülük won ewe Samol mi Lapalap.

⁴A feiöch eman aramas a anomu an apilükülük won ewe Samol mi Lapalap, ätewe esap kul ngeni chon lamalamtekia, ika eti chokewe mi fel ngeni ekewe uluulun anümwäl.

⁵Ai Samol mi Lapalap ai Kot, ka föri chomong föför mi amwarar me om akot ngenikem, esap wor eman a wewe ngonuk. Are üpwe asilefeiliir o apworausa usur, repwe chomong seni ai üpwe tongeni aleaniir.

⁶Kosap mochen ekewe asor me lifang, nge ka ngeniei selingei pwe üpwe rongorong ngonuk. Kosap allük pwe üpwe eäni asoren kek me asoren tipis.

⁷Mürin üa apasa, “Ngang iei, üa feito. Lon ewe puken allük a mak usi.

⁸Üa pwapwa le föri letipom, ai Kot, om allük a nom lon lelukei.”

⁹Üa apworausa ewe pworaus mi mürina usun om amanauakem me lon ewe mwichen noum aramas meinisin. Üsap fokun ükütiu le apworausa usun, ka fen silei, ai Samol mi Lapalap.

¹⁰Üsap aopala ewe pworausen om amanauakem. Üa kapas usun om allükülük me om alisikem. Üsap tukumala seni ewe mwichen noum aramas meinisin om tong ellet me om allükülük.

¹¹Ai Samol mi Lapalap, kosap amwöchü seniei om ümöümöch. Om tong ellet me om allükülük repwe tümwünüei.

¹²Chomong osukosuk ra pwelifeiliei, esap wor eman a tongeni aleaniir. Ai kewe tipis ra rongeeila pwe üsap chüen künaei, ra kon chomong lap seni meten mökürei, nge lelukei a kisikisila.

¹³Ai Samol mi Lapalap, kose mochen kopwe amanauaei. Ai Samol mi Lapalap, kopwe kaito pwe kopwe alisiei.