Kölfel 147:5-20

⁵Ach Samol a tekia o fokun manaman, an mirit esap wor aükükün.

⁶Ewe Samol mi Lapalap a atekiatä chokewe mi tekison, nge a aturätiu ekewe aramasangau lepwül.

⁷Oupwe köl ngeni ewe Samol mi Lapalap fän kilisou. Oupwe köl ngeni ach we Kot fiti ükülele.

⁸I a pwölüela ekewe läng ren kuchu o apüngätiu üt won fanüfan, a ämärätä fetil won ekewe chukuchukutä.

⁹A ngeni ekewe man ener mongö o amongöü ekewe apansüsün ängä mi tik.

¹⁰Ewe Samol mi Lapalap esap sani pöchökülen oris, esap pwal pwapwa ren pöchökülen aramas,

¹¹nge a pwapwa ren chokewe mi niuokusiti i, ren chokewe mi eäni apilükülük an tong ellet.

¹²Ämi chon Jerusalem, oupwe mwareiti ewe Samol mi Lapalap, en Sion, kopwe mwareiti om Kot.

¹³Pun i a apöchöküla lokkun asamalapom kewe o afeiöchü noum kewe aramas mi nom reöm.

¹⁴A awora kinamwe lon fanüom o amongöü ngeni noum aramas chomong wiich mi mürina.

¹⁵A tinato an allük won fanüfan, an kapas a müttir säfetal.

¹⁶A tinato sno mi pwech usun chök ülen sip o amorafeili sno usun falang.

¹⁷A amorätiu föün ais usun chari. Iö a tongeni pwäk ngeni patapatan?

¹⁸Kot a kapas, ewe ais a telila. A föri pwe an asepwäl a enien, iwe, ekewe koluk ra pupula.

¹⁹A aronga ngeni nöün aramas an kapas, a ngeni chon Israel an kewe allük me pwüüng.

²⁰Ei sokun lapalap esap föri ngeni pwal eu mwü. Ir resap silei an kewe allük. Ousipwe mwareiti ewe Samol mi Lapalap.