Josue 4:13-17

¹³Mokabat ug 40, 000 ka kalalakin-an nga nabansay alang sa gubat ang milabang sa atubangan ni Yahweh, alang sa gubat sa kapatagan sa Jerico.

¹⁴Nianang adlawa gihimo ni Yahweh si Josue nga bantogan sa mga mata sa tanang Israelita. Gitahod nila siya—ingon nga gitahod nila si Moises—sa tanan niyang mga adlaw.

¹⁵Unya nakigsulti si Yahweh kang Josue,

¹⁶“Mandoi ang mga pari nga nagpas-an sa sudlanan sa pagpamatuod nga mopahawa na gikan sa Jordan.”

¹⁷Busa, gimandoan ni Josue ang mga pari, “Pahawa na gikan sa Jordan.”