Jesaia 9

1

2

5

6

7

8

9

11

12

28

30

31

32

33

35

40

41

42

43

44

45

46

49

50

52

53

54

55

57

60

61

63

64

65

66

¹Lau taŋ sêŋgôŋ gêsuŋbôm naŋ, sêlic ja kapôêŋ teŋ. Ma ŋawê kêpô êsêac, taŋ sêŋgôŋ gêmac ŋagamêŋ kanucŋa naŋ.

²Aôm kôkêŋ lau têtu taêsam ma gôgôm êsêac têntac ŋajam gêjam sêga. Êsêac sêmoa aôm laŋômnêmŋa toôliŋ kêpigeŋ têtôm lau, taŋ seŋ mo lasê naŋ, ma amboac lau, taŋ sêjac sam ŋacjonêŋ awamata.

³Gebe gêŋwapac ŋata, taŋ gêsac êsêac naŋ, ma tôc magiŋmŋa to nêŋ ŋac, taŋ kêlêsu êsêac naŋ, nê sêm naŋ aôm kôpôŋ tulu toc tageŋ amboac gêdêŋ Midiannê têm.

⁴Gebe siŋwaganêŋ atapa samob to nêŋ ŋakwê siŋŋa, taŋ dec gi auc naŋ, êsa ja ma êniŋ su.

⁵Gebe awê teŋ kêkôc ŋapalê teŋ kêtu aêacŋa, kêkêŋ latu teŋ gêdêŋ aêac gêmêŋ. Ŋagôliŋ gêsac eŋ magim ma sêsam eŋ gebe “Mêtêŋam, Laimôkê, Teŋgeŋŋam, Biŋmalôtau.”

⁶Ênê gôliŋ oc ênam sêga, ma biŋmalô oc ênêc teŋgeŋ aŋga Dawidnê lêpôŋ to nê gamêŋ kiŋŋa. Gebe eŋ oc ênac m ŋagôliŋ tau to êpuc tôŋ ŋa mêtôc gêdêŋ to biŋ gêdêŋ êndêŋ galoc ma endeŋ tôŋgeŋ. Lausiŋ undambêŋa nêŋ Apômtau nê ŋalêlôm kêkac eŋ, tec êŋgôm biŋ tonaŋ êtu tôŋ.