Text copied!
CopyCompare
Buka Tabuna Tefadi - Isaiya

Isaiya 61

Help us?
Click on verse(s) to share them!
1Guyau Hewa Wananaha yai, Yaluwana mate hewagu yai, paꞌana Guyau haꞌa ya baguigu, be wasa loholohona, tau gogo gesegesa E falibadi. Tau nuwa heyaya nuwadi E faꞌamnadi, yo deli yai haba E soꞌe fahidi.
2Guyau ena nuwa amna bolimanna bena E falibadi, yo adi gum, bolimanna bena edi E liba. Tau tan bena nuwadi E faꞌamnadi.
3Tau logo Saiyon yai sa anouya haba E faꞌanbonadi. Tan falau damahina mate haba kwade E feledi, Nuwa belubelu yaluwana ya ofi na sa fadebasae. Iti haba hesadi “Dudulai oyagidi” Guyau ya umahidi, be hesana aba lau famahatana.
6Haba hesamiu sa atahidi “Guyau ena tau antalasam,” yo haba umi “Yaubada ena tau paisowa.” Haba Nuꞌu hahaisa edi loholoho yai ami miyamiya yo ami nuwa saesaedi, doha enehemiu.
7Sa lawe hudoꞌiyedi, taumayamaya buina haba egu dodoga edi gogo sa ouli, Na hige faꞌatiti, buina mate edi gogo yai haba sa kwade; yo edi tanohi ana sigasiga haba ya falaꞌi. Be kwade hige ofina, mate iti, enehedi. Egu nuwa adidili yai haba egu dodoga E famaisadi, be egu yali otaꞌota fahina ai lisidi E ginauli.
8Guyau iyen, “Dudulai E fanuha! Angafu yo laulau heyaheyayadi agu ꞌwaiꞌwaiyoꞌo. Egu dodoga haba E famaisadi, yo maidagu haba yali otaꞌota fahina ꞌe ginauli.
9Laulauwewedi yo afa wahadi haba ai nuꞌuna sa sibaidi be salumadi sa itadi haba tiyen, ‘Iti mate Guyau ena faloholoho dodogadi.”
10Nuwagu ya amna wananaha Guyau lisina yai. Yaluwagu ya kwade Yaubada lebena yai, paꞌana ya faleligu famwahuli lelina yai. Yo dudulai lelina yai ya sumagu. Doha tau nahi tautaumoho kuluna ya faꞌanbona doha tau antalasam na waiwaihin ana salusalu ya liꞌodi.
11Guyau haba fadebasae yo dudulai ya famahata nuꞌu mahudoꞌina tanoꞌubu yai doha liꞌe sa sipo laꞌa tanohi yai. Be Guyau hewa wananaha yai haba dudulai yo fadebasae ya ginauli, be sa sipo laꞌa nuꞌu mahudoꞌidi matadi yai.