Isaiya 40

2

5

6

7

8

9

11

35

40

42

49

50

52

53

54

55

56

58

61

64

¹Eda Yaubada iyen, “Egu dodoga nuwadi au liba fataludi.

²Au liba bigabiga lau Yelusalem lisina, yo au faliba mate: Ibege ti lau fayofayo fuyoimiu. Emi kamkamna ana siga itete. Yau, Guyau, emi heyaya haꞌa E famaisadi.”

³Doga hesa ya yogayoga iyebom, “Ai nuꞌu pitapitalina edaꞌeda au faꞌaꞌa! Edaꞌeda dudulaina au ginauli, Guyau eda Yaubada enehena.

⁴Dahadaha au famohafudi; tuꞌa yo uduhuli au fatabatabadi. Piupiu hitidi au fadudulaidi yo mala heyaheyaya haba sa famala gon.

⁵Habahim Yaubada ena namanamali didigana haba ya taumahata, be dodoga mahudoꞌidi sa ita. Libadi te, Guyau moꞌana yai sa tulu beꞌuma!”

⁶Alina hudoꞌi ya liba iyen, “Wasa au duwai!” Yo fede E fatiꞌo, yawa, “Wasa somo haba E duwai?” Iyen, “U liba, uwen, ‘Dodoga mahudoꞌimiu mate doha hawahawa yo mula; Paꞌana ibege ti ota lofalofa.”

⁷Yena Guyau ya yahafuwa lau hawahawa yo mula hewadi yai haba sa hohoya. Wananaha dodoga mate doha. Hige ti ota fuya lofalofa.

⁸Mula yo hawahawa haba sa hohoya, in moho somo eda Yaubada ya libaen, mate ya ota esegahi.

⁹Sai wasa loholohona wa leyama Saiyon, u hasai tuꞌa lofalofana. Ai Yelusalem wasa te, u fatala yogayogaꞌen, tabu u ꞌwasabu; Diuda taonidi u falibadi uwe, “Ma! Emi Yaubada ite!”

¹⁰Guyau, emi Yaubada ya laoma ma gigibwalina ya famala emi baꞌisa, Maisana, logena ena dodoga, ya fofofahidi, ma afa haidana sa laoma.

¹¹Haba doha tau itaꞌita wata sipi ya foyahidi be sa anban; Sipi nanatudi haba ya foyahi gogonidima be ya labadi yo sipi fanafanatudi haba ya foyahidi.