Aisaia 40

2

5

6

7

9

11

12

25

35

40

42

43

44

45

49

50

52

53

55

56

57

58

60

61

62

63

66

¹Anutujintä ŋode yäyak; Ämawebenaye konäm butewaki terak itkaŋ u päŋku bänepi täŋpidäm taŋpäŋ yäniŋ käwat.

²Jerusalem nanik kwini man ŋode yäwet; Komi piä nadäŋ yäpmäŋ äbuŋo u paotak. Momijin täŋo kowata nadäwä tärekaŋ. Ekänitä momijin peŋ tamitak yäŋ yäwet.

³Täŋpäkaŋ äma kubätä gera ŋode yäyak; Kome ämani nämoken Yawe Anutunintä äbäkta kädet täwitpäŋ kaŋ yäpä-siwoŋtaŋ imut!

⁴Ume kubat kudup yejämbut ba pom kudup äneŋpewä maŋpäpäŋ uterakgän pekot. Täŋpäŋ kome äpmoŋkaŋ-ärok täŋpewä uterakgän kaŋ irut.

⁵Ude täŋirä Yawe täŋo kehäromi ba peŋyäŋektä kwawak ahäŋirän ämawebe kuduptagän api kaŋpäŋ nadäneŋ. Man ŋo Yawetä ini yäŋkuk.

⁶Täŋpäkaŋ äma kubätä ŋode näwetkuk; Gera terak yäŋahä! Yäwänä ŋode iwet yabäŋkut; Man jidepäŋ yäŋahäwet? Yäwawä ŋode yäŋahä yäŋ näwetkuk; Äma kuduptagän u mup ude yäk. U kadäni keräpigän mup irori ude it täkaŋ yäk.

⁷Yawetä meni woŋ piäŋirän mup kubit tak täkaŋ ba irori täŋo kaŋgäripi u paot täkaŋ. U udegän ämatä kadäni käroŋi nämo it täkaŋ yäk.

⁸Bureni-inik, mup kubit tak täkaŋ ba irori täŋo kaŋgäripi u paot täkaŋ upäŋ Anutunin täŋo manä tärek-täreki nämo api irek.

⁹Unita Jerusalem, gäk pom käroŋi kubä terak äroŋpäŋ manbiŋam tägagämän u gera terak yäŋahä. Juda kome täpuri täpuri uken umunkät nämo kwawakinik ŋode yäŋahäŋpäŋ yäwet; Ŋo kawut; Anutujin äbätak!

¹⁰Man u bureni-inik. Ekäni Ärowanitä kehäromi nikek äbätak. Äbäŋpäŋ intäjukun itkaŋ kehäromi u terak ämawebe kuduptagän yabäŋ yäwat piä täk täyak. Täŋkaŋ ŋo kawut! Äbäŋirän ämawebe waki keriken nanik yämaguranitä iwat yäpmäŋ äbäkaŋ.

¹¹Täŋpäkaŋ Ekäni unitä yawakiye watä säkgämän ŋode it yämik täyak; Sipsip nanaki ude bäyaŋ yämik täyak. Ba miŋiye kwini terak yabäŋ yäwarirän kuŋat täkaŋ.