Isaías 40

6

7

9

14

29

40

53

54

61

¹Iroka ikantzi Pitajorentsite: “Poetzimoshirenkaeyeenani. Poemoshirenkaeyeenani nonampikika.

²Pinintathateri piñaanateri nampiwitawori Jerusalén-ki. Pikamanteeri, pikanteri: ‘Ari okaatapaaki romperaetzimi, ipinakowenteetakiro pikinakaashitani, Imaperotakimi rowajankitzimi pikaariperotakira.’”

³Icheraapaaki, ikantantapaaki: Powameethateeniri Tajorentsi ikinapaakira ochempimashiki, Poshiyakaahaeniri Tajorentsi itampatzikaetziro awotsi.

⁴Omameripathatee otenkanaayitzira, Okarenipathayitee ochempi, Okaatzira otenkanaayitzi nimaeka, okaatzira ochempimashitzi, Karenipankaari okanteeya.

⁵Roñaahanteero Tajorentsi rowaniinkawo, ipiyoteeya atziriite ikaatzi ñahaerori. Riitaki Tajorentsi kenkithawaetakirori iroka ñaantsi.”