IOSUA 15:1-16

¹Iuda iduhuna taudia na ahudia e abi, edia doḡoro ta ta ai. Edia tano na diho kahana e laomu, ela bona Edom hetoana bona Sin tano ḡagaena, diho kahana korikori ai.

²Edia tano hetoana diho kahana ai na Tadi Gohuna dokona, diho kahana e vaira henia taberona amo ela.

³Akrabim e dae henia tanona diho kahana amo ela, ela bona Sin; unu amo Kade-baranea diho kahana amo bona Hesron badibadina amo ela, ela bona Adara. Unu amo Karaka e lao henia,

⁴bona unu amo Asamon ma e lao henia; bena Aigupto Dokana badibadinai kone ai e hadoko. Emui tano hetoana diho kahana ai bunai.

⁵Edia tano hetoana mairiveina kahana ai na Tadi Gohuna isena, ela bona Ioridane sinavaina na una gohu ai eha lasi gabuna ai. Bona mirigini kahana ai tano hetoana na Ioridane sinavaina eha lasi gabuna taberona amo ela,

⁶ela bona Bete-hogla. Bena Bet-araba mirigini kahana amo ela, ela bona Bohan Ruben ena nadi.

⁷Unu amo Akoro kourana amo ela, ela bona Debiri. Bena mirigini kahana amo ela, Gilgal dalana ai. Hari Gilgal ese Adumimi e dae henia tanona e vaira henia, koura diho kahana ai. Hari tano hetoana ma ela, En-semese ranudia badibadidia amo, ela bona En-rogele.

⁸En-rogele amo ma ela, Hinom natuna ena koura amo, ela bona Iebusu ororona (ladana ta be Ierusalem) diho kahana. Unu amo ma ela, ela bona Hinom kourana unukahana ororona dorina ai, lahara kahana ai, Refaim kourana dokona mirigini kahana ai.

⁹Una ororo dorina amo tano hetoana Ina ela, ela bona Nefetoa ranudia; ma unu amo ela, ela bona Efron ororona hanuadia; unu amo e hegeḡe lao, ela bona Baala (ia ladana ta be Kiriatiearimi).

¹⁰Ma Baala lahara kahana amo e heḡeḡe lao, ela bona Seiri ororona; bena learimi ororona (ladana ta be Kesalono) mirigini kahana amo ela, ela bona Bete-semese, bena Timuna badibadina amo ela.

¹¹Bena Ekron ororona mirigini kahana amo ela, e heḡeḡe lao, ela bona Sikerono; ma unu amo ela bona Baala ororona; bena kone ai e lasi, labnele ai.

¹²Lahara kahana edia tano hetoana na Davara Badana konena. Iuda iduhuna taudia edia doḡoro ta ta ai e henidia tanona hetoana bunai.

¹³Iosua ese Kaleb lefune ahuna e henia Iuda iduhuna taudia bogaragidiai, Iehova ese e hagania hegereḡerena. Ia ahuna na Kiriat-araba (hari Araba na Anak tamana), ladana ta be Heberon.

¹⁴Bena Kaleb ese Anak garana tatoi unu amo e luludia lasi, Sesai bona Ahiman bona Talmai.

¹⁵Una murinai ia ese Debiri taudia e tuari henidia. Debiri ladana gunana be Kiriatasefere.

¹⁶Kaleb eto, Kiriata-sefere baine hadarerea bona baine abia tauna na lau ese natugu kekenina Aksa baina henia, ia adavana.