IOSUA 13:2-5

²Do noho tano be inai: Pilistia taudia edia tano ibounai, bona Gesuru taudia edia tano ibounai.

³Sihoro, Aigupito ena dina daekau kahana tano dekena amo, mirigini kahana ia lao ela bona Ekarona ena hetoana be Kanana taudia edia tano, idia gwauraia, bona Pilistia lohia taudia 5 ese idia biagua noho. Inai Pilistia lohia taudia edia noho gabudia be Gasa, Asadoda, Asakelona, Gata, bona Ekarona. Avima taudia edia tano danu umui do abia lasi.

⁴“Bona diho kahana dekenai do noho tano be inai: Kanana taudia edia tano ibounai, bona Meara, Sidono taudia edia tano, ela bona Apeka, ela bona Amoro edia tano hetoana,

⁵bona Gebala taudia edia tano, bona Lebanona tano ibounai, dina ia daekau kahana dekenai, Bala Gado dekena amo, Heremona Ororo ena diho kahanai ela bona Hamata ena raka vareai gabuna.