IOSUA 12:6-9

⁶Iehova ena hesiai tauna Mose bona Israel taudia ese e hadareredia; bena Iehova ena hesiai tauna Mose ese idia raruosi edia tano e abi, Ruben iduhuna taudia bona Gad iduhuna taudia bona Manase iduhuna kahana taudia e henidia, edia tano ai bae halaoa.

⁷Hanua pavapavadia una tano ai danu Iosua bona Israel taudia ese e hadareredia, Ioridane sinavaina lahara kahana ai, Baal-gad amo, Lebanon kourana ai, ela bona Halak ororona, Seiri kahana ai. Bena Iosua ese edia tano e abi, Israel iduhudia e henidia, edia tano ai bae halao, iduhu ta ta ena tano ena tano ai baela;

⁸ororo bona koura, Araba taorana bona ororo gabaedia bona tano ḡagaedia, bona diho kahana tanodia; Hiti taudia bona Amoro taudia bona Kanaan taudia bona Perisi taudia bona Hivi taudia bona Iebusu taudia edia tano.

⁹Pavapava bini: Ieriko pavapavana, ta; Ai pavapavana (Ai be Betele badibadinai), ta;