Josua 12:6-9

⁶Moses dali te Israel dabe augwaligo te boi hwįnama, te tuni bidi si aiyaba elaluai, polobadu. Tama Moses, te Genuai Bidigo sę bidigo, te augwa si tǫ te Rubengo hanibolo mobadi, te Gatgo hani me, te Manasego hani me badubolo mobadi yali.

⁷Josua dali, te Israel dabe dali, augwaligo te Jordan wę te sia ge dega sabo badu te tigidali genuai tǫde bidali tuni bidi tigidali aiyaba elaluali, te Lebanon odogode elalubo bulu Balgat tede gagalasa, te Halak bulu du badu te Idom pąde, teba usu nigi pai. Tama Josuago te tǫ dobolama, tama te Israel hani sibibolo menama, tama megi te augwa page bulu mu gagalama bidibo dao.

⁸Te mani tǫ da, te bulu du dabe elalubo tǫ, te dwasianu bulu du dabe, me te Jordan malu bulu me, tama te Jordan ąį pąde te dwasianu bulu du elalubo me, te olo kemi tǫ bulu elalubo madi me, te Negev bulu te dąį igi pai. Polobadu te Hit hani bage me, te Amor dabe me, te Kenan dabe me, te Peres dabe me, te Hivi dabe me, te Jebus dabe me, augwali tigidali te genuai tǫde bidaluai dao.

⁹Te e nogi da te boi hwįani sogo te aiyaba elaluali tuni bidi dabego hanu nogi e dao: Jeriko, me Ai, te Betel bulu pąde elaluai,