HEREVA LADA-ISIDIA 3:22-29

²²bena idia ese laumamu bae hamauria, bona aiomu bae heralaia,

²³bena emu dala ai ba raka mai namomu ida, bona aemu na basine hetutuhi.

²⁴Boma helai diho, basioma gari; boma hekure diho, emu mahuta bema gaiho.

²⁵Hahetaku ḡauna garina basio gari, eiava kara dika taudia ihabua-taridia baine kau negana ai danu basio gari;

²⁶badina be Iehova na emu abidadama, ia ese oi aemu baine naria, basine heidoa.

²⁷Ihanamona na mai badina bae abia taudia edia amo basio rua, ba henidia diba negana ai.

²⁸Dekemu tauna basio hamaoroa, basioto “Aola, ma ba lou mai, kerukeru baina henimu”, a ḡau be dekemu ai e miamu.

²⁹Dekemu tauna ihadikana dalana basio laloa hata, ia na badibadimu ai e nohomu, bona e abidadama henimumu.