HEREVA LADA-ISIDIA 29:21-27

²¹Ena hesiai tauna na merona ai e hagabuḡabua tauna na dokona ai baine hekwarahi ia dainai.

²²Badu tauna ese heiri-heiri e havaraiamu, bona badu momo tauna ese kara dika momo e havaramu.

²³Tau ta ena hekokoroku ese baine hahekwakwanaia, a manau tauna na bae imodaia.

²⁴Henao tauna bamona ese sibona ena mauri e inai heniamu; heuduguirai herevana e kamonaimu, to dibana ḡaudia se herevalaidiamu.

²⁵Taunimanima igari-henidia ese idoa e atoamu, a Iehova e abidadama heniamu tauna na basine dika.

²⁶Hutuma ese pavapava ena lalo-namo e tahuamu, a Iehova enai tau ta ese hahemaoro goevaḡoeva e abiamu.

²⁷Kara gageva-gageva tauna na kara maoromaoro taudia ese e inai henia badamu, a dala maoromaoro ai e rakamu tauna na kara dika taudia ese e inai henia badamu.