Tɛnɛ Faalaaliiti 29:21-27

²¹Ni nu a botiɠɛ nui laanɛɛna ná-nu niinɛlai zu, toɠa gaaɓela ga kololalai.

²²Ziiɠula nui ɠa ɗa kpɔɛi leʋe, zɔi ziiɠulazu valafala, naa ɠa ɗa tɔ koloɠologiti kɛ.

²³Wasogi ɠa ɗa nui maayei, kɛlɛ ɓɔɠɔmaayeii ɠa ɗa nui wɔɔlɔ.

²⁴Zɔi é yeezeizu unma nui wu, naa ɠa ɗa ɓɔɠɔ nimiza, tɔɔzei é foovooi ɠwɛɛ, é naama nui laalɔɠɔma, nii é ɠɛlɛzu ga é mina ʋa, é ʋa zeele wooi wo.

²⁵Ɗa ɠɛna lua nuiti ba, toɠa ga balii, kɛlɛ zɔi é ɠalivaazu Ɠɔoɠɔ GALAGI ma, naa yiilɛiʋɛ.

²⁶Ma mɔinmɔin ka ná, ti ɗa kpɔbai ɠaiziɛ ta-ɠundiɠii ya, kɛlɛ ɛsɛ maalobo fai ɠa Ɠɔoɠɔ GALAGI ya.

²⁷Telebotala nuiti wɔin ɠa ɗa zeɠe telebo nuiti ma, sɔle nuiti maayoseɠeʋɛ faa ɲɔi ɠɛ nuiti bɛ.