HEREVA LADA-ISIDIA 28:4-13

⁴Taravatu e rakataniamu taudia ese kara dika taudia na e imodaidiamu, a taravatu e badinaiamu taudia ese e biridia ahumu.

⁵Kara dika taudia na hahemaoro ḡoevaḡoeva asi dibadia, a Iehova e tahuamu taudia na dibadia vaitani.

⁶Ogoḡami tauna ena lalo-momokani ai e rakamu be namo; taḡa tauna mai ena kara gageva-gageva na dika.

⁷Taravatu e badinaiamu merona na aonega merona; a ani-lavadae taudia e bamodiamu merona ese tamana e hahemaraiamu.

⁸Ena taḡa na heato-kau kohudia amo e habadaiamu tauna ese egogomu, ogoḡami taudia e bogadia hisimu tauna ena.

⁹Taravatu ikamonaina amo taiana e daro kepokepomu tauna ena ḡuriḡuri na ḡau dika-rohorohona.

¹⁰Kara maoromaoro taudia kara dika dalana ai e hakaudia kereremu tauna na sibona ena guri ai baine moru dobi; a asi edia kerere taudia ese ahudia namodia bae abi.

¹¹Taḡa tauna na mai aonegana, sibona ena ita-ita ai; a ogoḡami tauna mai lalo-pararana ese ena koikoi baine davaria.

¹²Kara maoromaoro e kwalimumu negana ai heimodai na bada; a kara dika taudia e tore isimu negana ai taunimanima bae komu.

¹³Ena kara dika e hunidiamu tauna basine namo, a ena kara dika e gwaurai hedinaraimu bona e rakatanimu tauna na ena dika baine hegwau tao.