HEREVA LADA-ISIDIA 24:22-33

²²baduna be idia edia amo hahebua-tari baine hedinarai taku. Daika dibana dahaka hahedika na idia raruosi edia amo bainema?

²³Aonega taudia edia hereva haida bini: Hahemaoro gageva-gageva na dia namo.

²⁴Kara dika tauna baine hamaoroa, baineto “Asi emu kerere”, tauna na bese idau-idau ese bae uduguiraia; orea idau-idau ese bae inai henia bada.

²⁵A kara dika tauna e sisiba heniamu taudia na moale bae davaria, bona hahenamo badana na latadiai baine kau.

²⁶Haere maorona e henimu tauna na bibinana amo e haherahumu tauna na heto.

²⁷Murimuri ai emu ḡaukara ba heḡaeḡaelaia, tano paka ai emu ruma dagana bavabi heḡaeḡae; una murinai emu ruma ba haginia.

²⁸Dekemu tauna basio habadelaia kava; bibinamu amo basio koikoi.

²⁹Basioto: Ia vada e kara henigu heḡereḡerena baina kara henia; una tau ena kara do baina hadavaia.

³⁰Lahedo tauna ena uma na rakaia hanai, bona asi darana tauna ena vine imeana danu.

³¹Bena na itaia, au ḡinigini ese vada e habubunia, ava ḡiniḡini ese tano e lahea tao, ena nadi maḡuna vada e hegiḡi dobi.

³²Na itaia, bena na haeroa; na raraia, bena lalogu e parara.

³³Matamu ba taia, ba laḡa ani sisina, nega sisina kwaramu na imamu ai ba hahekwinaia;