Hechos 2:24-29

²⁴Cohãcjʉ̃ pehe Jesure yariariquiro mʉnanore masori. Pari turi ne yariasi tiquiro. Tiquiro yaria dojoerare. Sa catiducuatiquiro ijire.

²⁵Ohõ saha niahye Davi panopʉ cjʉ̃no Cristo tiquiro niboriro sahata: Yʉhʉ pʉhto, yʉhʉ mehna ijire mʉhʉ. Ijipihtiye decori Cohãcjʉ̃ yʉhʉ pʉhto yʉhʉ caha mʉhʉ ijigʉ̃ ihñae tii yʉhʉ cuerato saha.

²⁶Mʉhʉ Cohãcjʉ̃ yʉhʉ jeripohnare yariayequina tiquina ijiropʉre ne cohãsi. Yʉhʉre ñanopʉ yʉhʉ jeripohnare cohãsi mʉhʉ. Yʉhʉ mʉhʉ cahacjʉ̃ mʉhʉre ño peogʉ ijiaja. Yʉhʉ pagʉre ahba dutisi mʉhʉ. Sa yegʉ tutuaro bucueaja. Bucueye mehna yahuducuaja. Sa yegʉ mʉhʉre Cohãcjʉ̃re quehnoano wacũ tutuagʉ ijigʉ cuero marieno quehnoano iji cjã.

²⁸Yʉhʉre pari turi catigʉ̃ yegʉta mʉhʉ. Yʉhʉ mehna mʉhʉ ijigʉ̃ tutuaro bucueaja, ni, ojoahye Davi mʉnano Cristo tiquiro niboriro sahata.

²⁹’Acaye, ohõ saha quehnoano yahugʉtja mʉsare Davire mari acayʉro, panopʉ cjʉ̃nore. Tiquiro yariaa wahahye. Sa yero tiquirore tiquina yari cope yojopʉre ijire. Sa yero “Yʉhʉ pagʉre ahba dutisi mʉhʉ”, ni ojoaro tiquiro basi wame peo yahuro niedahye.