Kapyiiŋkii 2:24-29

²⁴Ŋka Kile à u ɲùŋɔ wwû kwùŋi yapwoyi i, maa u ɲɛ̀ a yige kwùŋi i. Ɲaha kurugo yɛ li fànhe mpyi kwùŋi na u jà a u cû a yaha wani mɛ.

²⁵Saanŋi Dawuda à fyânha a jwo u kyaa na, u mpyi a jwo: “Mii maha na Kafooŋi ɲaa naye taan tèrigii puni i, ɲaha na yɛ u maha mpyi mii kàniŋke na, bà li si mpyi yaaga kà n‑jà mii cúnŋɔ ɲjîrige na tayyérege e mɛ.

²⁶Lire kurugo mii zòmbilin'à ɲî funntange na, mii jwumpe puni sí ɲyɛ funntanga jwumɔ. Mii à tɛ̀ɛn ná l'e, ali mii kwuŋkwooni kàntugo, mii cyeere sí ɲíŋɛ mii na.

²⁷Ɲaha kurugo yɛ Kafooŋi, mu sì ɲɛɛ mii múnaani yaha li kwôro kwùŋi numpini i mɛ. Mu mú sì ɲɛɛ ma báarapyiŋi niɲcɛnŋi yaha u fwɔ́nhɔ fanŋke e mɛ.

²⁸Mu à nùmpanŋke tata kuni le mii taan Mà mu yaha ná mii i, mu sí mii pyi mii i ɲî funntange na.”»

²⁹Ɲyɛ Pyɛri à kwɔ̀ Dawuda jwumpe niɲjwumpe na ke, maa núr'a jwo: «Mii cìnmpyiibii, yii na yaha si wuu tulyage Dawuda kani fíniŋɛ ɲjwo yii á. Tèni i u à mpe jwumpe jwo ke, u mpyi a pu jwo a wà uye na mɛ, ɲaha kurugo yɛ wuu à li cè na u à kwû, u buwuŋ'à tò. Ali niɲjaa u kwùunni na ɲyɛ naha wuu yyére.